Komarê Tirk awan bîyo nebîyo ser Kurdan qirkerdiş dewam keno.

Wextê Romê bêbext(Tirkê Osmanî) de zî hina bi.
Romê bêbext yanî Dewleta Tirk qet nîvana  Kurdê Sunnî û Kurdê Elewî ciya ciya yê.
Dewleta Tirk, Kurdê  ke tirkbîyayîş qebûl nîkerenê zê dişmen vînena.
Wexto ke keys bikewro destê Dewleta Tirk, Kurdê hina kişena.
Çi kesek beno, çi komek bena Kurdê hina qirkena.
Hele Kurdê Elewî bo, Dewleta Tirk qet û qet rehm nîkena.Ca di kişena û qirkena.
Verêcu zî nika zî  Kurdistan û Anatolîya de ser qirkerdişê Kurdê Elewîyan de qisêkerdiş û nuştişên şaş benî.
Dewleta Tirk Kurdê Elewî  kişêna  û qirkena. La tayî bizanêyî tayî zî bi ehmeqîyê xo  vanî “Elewî yenî kiştiş û qirkerdiş”.
La raştî de tarîxê Dewleta Tirk(Komarê Tirkiye) de qet Tirkê Elewî bi planek hetê Dewleta Tirk re nîameyê kiştiş.
Bena yew ca de zê Çorum û Gazî  de mîyanê Kurdê Elewî de Tirkê Elewî zî ameyê bi kiştiş.
La Dewleta Tirk ti wextî rastêrast Tirkê Elewî nikiştî. Seba kiştiş û qirkerdişê Tirkê Elewî plan zî nîviraşto.
Dewleta Tirk tim û tim Kurdê Elewî kiştî û qirkerdî.
Dêrsîm, Meletî, Mereş, Çorûm, Sêwaz,Xarpêt, Madimak,Gazî û Gezî de Kurdê Elewî hetê Dewleta Tirk re ameyê kiştiş û qirkerdiş. Serhildanê Parqê Gezî de Erebê Elewî zî ameyê kiştiş(Abdullah Comert,Ehmed Atakan û Îsmaîl Korkmaz).
2ê Temmuz 1993 de Hotolê Madimak yê Sêwaz de zî hina bi.
 Nuştox û  hunermendên ke Hotelê Madimak de ganî ganî ameyê veşnayîş, teberê Metîn Altiok û yew di kesê bîn, pêronê înan Kurdê Sunnî û Kurdê Elewî bî. Hasret Gultekîn, Asim Bezîrcî, Asaf Koçak, Nesîmî Çîmen, Muhîbe Akarsu, Edîbe Sularî û Muhlîs Akarsu înan pêro Kurdê Elewî bî.
Dewleta Tirk bi plan no qirkerdiş kerd.Yanî qirkerdişê Sêwas bingehê xo de qirkerdişê Elewî nîyo.
Qirkerdişê Kurd û Kurdê Elewî yo.
 Baw kalê ma no zalîmtîyê Dewleta Tirk weş zanênî. Seba nayî vanî, “Dewleta Tirk bena her zî  ci menîşê”.