Elîf Zavar vat ke taybetê wijdanê Cizîrî merdiman ard yew hetî û do a têkoşînî ra kura de menda se do dewam bikera û faşîstan nêfikrî ke ê do têkoşînê xo ra fek verabidî.
Zavar Qirkerkerdişê Enqereye ser vat ke no qirkerdiş de Berna Koç zî şehîd bîya û ê zî demo teqyayişî tam hetê Koç de bîyê û wina vat: “A verê hîna Berna reyde pêvînayiş kerda, Berna Koç demo Terteleyê Pirsûsî şermizarkerdiş de hetê polîsê AKPe ameya kutiş. Verê ameyişê mîtîngî zî ê qise kerdî û Berna ci ra vata; Ata min do ez bêra mîtîngî, êdî şerto ke aştî bêra. Ma demo ke mîtîng de yewbînan de dî, ma yewbînan ra vira xo akerd. Her kes mîtîng de kêfweş bî. Min Berna ra vat bi; bê ma yew ça bişimnî û ma şîyê ocaxê çayî. Hîna min çayê xo nêgirewtbî û vengeko gird ame û adir vejîya.”
Zavar aşkera kerd ke ê demo ke kewtê raşteyî, qet raşteyî de vergirewtişê ewleyî çinêbîyo û wina dewam kerd: “Ganî bike no demî ez bifikra, min her tim fikrîyaynî do peynîya Pirsûsî, Enqereye de zî teqyayişeko gird bibo. Min demo ke ma amey raşteyê, qet meydan de yew polîs daxî çinêbî. Peynîya teqyayişê polîsî seba hêrişê amey. Min demo ke kewt erdê min vat; Elîf qey polîs çino.”
JINHA/ENQERE