Şervanê Odeya Çalakî yê Hemleya Xezeba Firatî, ke çormeyê Tebqa girewtî, verê xo dayê navendê sûka Tebqa ke 40 kîlometre dûrê Reqa ya. Quwetê QSD vizêr seatanê sodir de kewtî dewa Safsafah ke kişta vakûrê Tebqa de ya.
Şîyayîşê Şervanê Hemleya Xezeba Firatî, ver bi Tebqa rameno. Dewanê Safsafah yê vakûr û başûrê Tebqa de, mavêna şervanan û çeteyan de pirodayîşê girdî qewimyay. Çeteyanê DAIŞ hewl day ke bi wesayîtê bombebarkerdî hêrîş bikerê. La verîya ke wesayît bireso hedefê xo, amê îmha kerdîş.
Goreyê zonayîşan DAIŞ sivîlan zey mertalê ganî şixulneno. Sivîlê ke wazenê xo biresnê cayanê ewle, raştê hêrîşanê bi top û kanasan yenê. Heta nika çarçoveyê hemle de xêlê çete kişîyay.
REQA