Wezaretê Pawitişî yê Sûrîye îzehetêko nuştekî da û Hêzê Sûrîyeya Demokratîke (QSD) ra waşt ke wa seba xoverdayîşê vera hêrişanê dagîrkeran ê dewleta Tirkî beşdarê artêşa Sûrîye bibê. Naye ser o Fermandarîya Pêroyî ya QSDyî zî bi îzehetêkê cewab da Wezaretî.
Fermandarîya Pêroyî ya QSDyî îzehetê xo de vato ‘sey Fermandarîya Pêroyî ya Hêzanê Sûrîyeya Demokratîke ma piştî danê pêroyê xebatanê pawitişê yewîya Sûrîye û şikitişê hêrişanê Tirkîya yê ke welat û şarê ma ser o benê’ û wina dewam kerdo: “Tewirê ma destpêkî ra nata kifş o. Ganî mekanîzmayêko rast newe ra bêro sazkerdene û çarçeweya yewkerdişê kedan de bêro dayene. Ganî yewîya her di hetan seba çareserîye bibo.”
QSDyî dewamê îzehetê xo de vato ‘hêzanê Sûrîyeya Demokratîke verê çimanê dinya de serranê peyênan de seba pawitişê Sûrîye û cîhanî vera DAÎŞî de şer kerd’ û wina domnayo: “Xîlafeta ey Sûrîye û cîhan de rijnaye. Hêzê Sûrîyeya Demokratîke leşker ê û goreyê sîstemêkî rêxistine bîyî. Ma ziwanê muxatabgirewtişê Wezaretê Pawaitişî yê Sûrîye nê endaman bi hewayêkê pêtî red kenî. Herinda ke wezaretî nê endamî muxatab girewtî, ganî Fermandarîya Pêroyî ya Hêzanê Sûrîyeya Demokratîke seba akerdişê berê dîyalogan muxatab bigirewtêne.”
ANF/BRUKSEL