Şarê Kurdî, Ewropa de yew gamê newe dayo destpêkerdiş. Gamê Azadîyê Ocalanî yê. Nê gaman de meş û mîtîng estî. Radayîşê derg estî. Kilmek estî. Xora şarê kurdî 5 serrîyo qey azadîyê Raybere Şarê Kurdî Abdullah Ocalanê, Strasburg de nobeda azadî daya destpêkerdiş.
Emserr zî qey Ocalanî sey mi nuşto zaf çalakî yenî ramnayîş. Mîyanê înan de çalakîyê radayîşî zaf ferqlîyê. Nê çalakî pêronê Ewropa estî. Ewropa hema hema pêronê welate Ewropa û Almanya de new(9) cayan de qey azadîya Ocalanî meş estî. Nê meşî hîrê rojî dewam kenî. Pêronê meşan de dosya û vilavok yenî vila kerdiş. Wexto ke rojê hîrêyîn de bêro nê radayîş ver meclîsan de bi mîtîng netîce danî.
Zobî zî eynî roj yane 1’ê Sibatî de însanê enternasyonalîst qey azadîyê Ocalanî, Luksemburg de yew meş danî destpêkerdiş. Hetanê 11 Sibatê meşîyenê. Însanê enternasyonalîst fikrê Ocalanê sey fikre xo vînenî. Azadîyê Ocalanî zî sey azadîyê xo vînenî. Roj bi roj tesîrê Ocalanê ser însanan û dinya zêde beno. Hina nêbenê be seyan kesê welatên cîya cîya nêşenê Rojava de şernêkerdenê û şehîdnêkewtenê. Nika çîyo ke însanan anceno Rojava fikre Raybere Şarê Kurd Abdullah Ocalanê û ser fikrê eyê sîstemo ke Rojava de awanbîyo. Na raştî yew heqîqete ka. Meşê enternasyonalîst ser na raştî beno.
Zobî zî 5 Sibatê de nêzdîye hîrsey(300) ciwanê Almanya de bajarê Mannheîm de qey azadîyê Ocalanî yew radayîş kenî. Do ciwan zî 6 roj meş bikerenê û 11 Sibatî de beşdarê mîtîngê Strasburg bibenê.
Wexto ke yew biewno nê meş û mîtîngan raştîyêk bîn zî vejîyeno werti. Pê komployê mîyannetewî ame waştişke hêzê Abdullah Ocalan û PKK bêro çinkerdiş. La Abdullah Ocalan û PKK hîna bihêz bîyê. Hîna tesîrê xo zêde kerd. Hîna hetê dinya ra ameyê şinasnayîş. Pê şoreşê Rojava zî dinya dî ke hêzê Abdullah Ocalanî û tevgera azadî senî yo. Fikre Ocalan senî fikre însanî yo. Qey însanîyet kurd senî hemberê DAÎŞ’ê wehş û dewleta tirk xoverdanî.
Bena hetê dewletan de gore na raştî nêzdibîyayîş nêbo la Ewropa de ma vînenî, şarê Ewropa nika sey verê cû nêewneno kurdan. Heskerdişê şarê Ewropa çiqas şino hîna zêde beno. Hurmetîyê xo qey kurdan nîşandanî. Hurmetîyê xo qey Ocalanî nîşandanê.
Dewleta tirk zî na raştî vînena û behjîyena. Dinya ra vana ya ez ya şarê kurd. Dinya ra vana ez zaf girda, kurdî tayî şima senî hetê kurdan genî. Bazarî ser bazarî kena. Dewleta tirk sebikero tîyare pê neşkena vernîyê kurdan bigero. Kurd zaf biqerarîyê hem qey azadîye Ocalanî hem zî qey azadîyê Kurd û Kurdîstan têkoşîn kenî. Şarê bîn zî ancanê zereyê têkoşînê. Meşê enternasyonal nimûne yo.