Di mîyanê Şorişa Rojawan de gelek nirx amey xelqkerdiş, di destpêka Şorişa Rojawan de heta nika mayê Rojawan bi xoverodayişê xo seba pêroyin dinyayê bîyê finak. Her maya ke hîkayeya xo vana destpêka qisekerdişê xo wina vana: “Ma peynîya wehşetîya çeteyê DAIŞî ya verba êzidîyê Şengalî vîna û ma vîna ke doman û cenîyê înan di bazaran de yenî rotiş, ma zî seba şeref û namisê xo xelas bikerî, ma amey Vakurê Kurdistanî.”
 
Ma bi wayirê şorişî
Maya Şems Ehmed (40) ard ziwan cuyayişê a bi awayekî zor û zehmetî derbas bîyo û wina vat: “Dema ke ez di banê pîyê xo de bîya, min qet xêr nêvîna. Dema ke pîyê min cuyayişê xo dest da, ez hîna şenik bîya. Peynîya merdişê pîyê min maya min zewejya û ez bi di birayê xo tena menda. Ma binê şert û mercê hêrî zehmet de cuya kerd. Birayê min beşdarê mîyanê refê PKKê bi. Dema birayê min birîndar beno hukûmata Tirkîyayê ey teslîmê Sûrîyeyê keno û birayê min zilmek gelek dijwar dî. Peynî bi birayê xo ez zî kewta mîyanê Tevgerî, di destê min çi ame min kerd. No demî gelek ters estbi la hewna ma bi elaqadar bîyê, ma xebityaynê. Nika şerwanê ma vejîyayî û no ser şoriş vejîya. PKKê ma kerd wayîrê raman. Rojawan birayê şennik bi la nika bi dejî bi gird.”
 
Bi vengê dinyayê
Maya Şems bal ont ser serehewanayişê kurdan û wina domna: “Her tim şarê kurd ser pîyayê bi la seba ke bê Rayver bî, no ser her her tim serehewanayişê înan amey vilavetiş. Peynî zî kapîtalîstan Kurdistan kerdî 4 parçe, perçeyê herî gird Vakûrê Kurdistan bi. Ma heme omidê xo ser Vakur awankerdbî la Rojawan bi xoverodayişê xo rayvertîya şorişe kerd. Lewra welatê xo bi awayekê zanebîyîş nirxna û wayîrê vejîya.” Ehmed da zanayiş ke çeteyê DAIŞî bi hemkarîya dewletê dagir kerd ameya awankerdiş û wina vat: “Peynî di Rojawan de şoriş pê ame, verba şorişî dewletê Tirkîya, Qatar, Siudî Ereb û Beşer çete bi rayvist kerdî û eşrawitî ser Rojawan. Di Rojawan de YPG/YPJ est o, PKK est o. Rojawan bi ramanê Rayver Apo hewz bîyo û senî bêro vilavetîş? Nika wazenê na şorişe sere ma ra birijnê la nika qet yew hêz nêeşkena zey verê nêzdî şarê kurd bibo. Dewlet çîyo? Wehşetîya xo de vanê ke şarê kurd nê misliman o. Ma înan ra hîna misliman î û ma wayîrê Rayverî. Ma wayîrê hêzê YPG/YPJ û PKKê yê û ma qet çew ra zî nêtersenî. Ma hetanê peynî bi gonî xo şorişa xo bipawî û Kurdistanî ra fek vera nêdanî.”
 
Rayver ra silom

Maya Şems bi nê çekuyan qisekerdişê xo peynî kerd: “DAIŞê nêzaneno seba çi est o û xizmetê çi kena. Eke embaz vengê agêrayişê Kobanê bikerî, ez zî do biagêra Kobanê ya xo. Ez bejna xo heme şehîdê nêmerd û şerwanan çewt kena. Silav û rêzê xo zî Rayver Apoyî ra eşrewena.”

  DÎHA/RIHA