Resimê ke 19 resaman atolye de viraştê Salona Ramojnayîşî ya Merkezê Koordînasyon Muze ya Sumerparke de yenê nawitiş. Ramojnayîş de 19 resimî ca gênê.
Şaredarîya pîl desteg dana
Serekwekîla Koma HDP Çaglar Demîrele, Parlementerê HDP yê Amedî Zîya Pîr, Hetkarê Sekreterê Pêroyî yê Şaredarîya Bajarê Gird yê Amedî Necatî Pîrînççîoglu, Îdarekerê Komela 78an û TUHAD-FEDî, hunermendî û xeylê kesî beşdarê ramojnayîşî bîy.
Destpêkê ramojnayîşî de resame Çinar Azizogluye yew qiseykerdiş kerd. Azîzogluye qiseykerdişê xo de waşt wa winasî trajedîyî reyna nêbê. Serekê Komela 78an Ganî Alkanî zî seba hetkarîya înan Şaredarîya Bajarê Girdî ya Amedî û resaman rê sipas kerd. Sereka TUHAD-FEDî Bahar Oktaye zî îzah kerd ke semedo ke derbeyî xo bi huner nîşan danê na çîyêka manayin a.
Dima ra Hetkarê Sekreterê Pêroyî yê Şaredarîya Bajarê Gird yê Amedî Necatî Pîrînççîogluyî yew qiseykerdiş kerd û wina va: “Ma kesê ke kede dayê na xebate înan rê sipas kenê. Dinya de pêrodayîşan ra dima winasî cayî bîyê sey muze. Lazim o bi muzîk, resim, heykelan behsê ê wextî bêro kerdiş. Ma sey Şaredarîya Bajrê Girdî yê Amedî her tim desteg bidê winasî xebatan.” Dima ra zî Serekwekîla Koma HDP Çaglar Demîrele yew qiseykerdiş kerd û eleqa ant muhîmîya ramojnayîşî ser.
AMED