Nizdîbîyayîşê referandûmî de xebatî zêde benî û kesê ke beşdarê xebatan benî raştê hêrişan yenî. 2 rojî ver 4 ciwanê ke endamê Platformê Sinifa Şorişgeran yê Xosere (BDSP) Metroya Batikentê Anqara ver standê ‘nê’yî akerdî. 4 ciwanê BDSPyî wexto ke vilaweka ‘nê’yî vilakerdêne hetê polîsan ra ameyî tepiştiş û raştê îşkenceyî ameyî. Babete ser o ciwanan ra Ugur Candan û Hasan Akmanî qisey kerdî.
Candanî qiseykerişê xo de qala hedîseyî kerd û wina va: “Polîsî ameyî stand û kontrolê nasnameyan kerdî. Badê qiseykerdişan ma berdî qereqolê Batikentî. Polîsê TEMî ma berdî odeya bêkamera û ewja de kelepçeyo çep destê ma girê dayî û hêrişê ma kerdî. Montê min o kapşonin qirika mi ra pîştî û waştî ke mi bifetisnî. Badê îşkenceyî polîsan ma berdî kontrol. Doktor raporêko 3 ripelin da, la polîsan raporî girewt û saetanê şew de ma veradayî. Hêriş û tepiştişî bibî zî ma do xebatan bikerî.”
Ma do xebate bidomnî
Akmanî zî va: “Eke nê bivejîyo do meşruîyetê îqtîdarî nêmano. Qetlîam û bêhuqûqîyê înan do bivejyî. Cok ra tersenî û hêriş kenî.
ANQARA