Kanala Radyoyê RBB´yê li Elmanyayê bi mamosteya hunerê Neşe Toprak re li ser projeya 4 hunermendan a ji bo rengînkirina kolanên Sûrê peyivî. Li Sûrê hem ji bo ku êrişa dewleta Tirk li dijî bajêr neyê jibîrkirin, lê di heman demê de jî dîwarên cûn û tarî rengîn bikin, beriya qeyûm şaredariyên Amedê dagir bikin, tevî çend hunermendên din ên jin projeyek dabûn destpêkirin. Ew dibêje, bi Amedê re Sûr jî tê bîra mirovan. Neşe Toprak dibêje, li Amedê û derdora wê şer heye, balê dibe ser şopa guleyan li ser dîwaran jî û dibêje, ew dixwazin hafizeya tişat qewimî zindî be. Lê di heman demê de jî ji bo miameleya bi vê bîrê re ew resmên mezin ên rengîn xêz dikin. Di bernameya radyoyê de, ji bo şerê li dijî xwerêveberiya Kurdan jî ev şirove hat kirin: "Dewleta Tirk got, wê şerê terorîzmê kir. Lê rastî ew e ku ku wê şerê serketina HDP´ê kir ku di hilbijartinan de bi ser ketibû. Kurdan jî beramberî vê hin barîkat danîn, li deverinan xendek kolan û xweseriya xwe ragihand. Bi hezaran mirov hatin kuştin, bi sedhezaran hatin koçberkirin." NAVENDA NÛÇEYAN