Mîrasê çapemenîya azad yê Apê Musa mîras rojawê ewroyî de hetê artêşa çapemenîya azad çar leteyanê welatî de yeno ramiten. Îdarekarê Rojnameyê Azadiya Welat ra Ramazan Olçenî aşkere kerd ke Apê Musayî kêberê heqîqatê raştîyan akerd. Olçenî vist vîrî ke înan qelema Apê Musayî erdî de nêverda. Olçenî da zonayen ke taqîpkarê Apê Musayî vizêr des bî, ewro zî resyay bi hezaran .
Raştî dê taritî de nêmanê’
Edîtora JINHA Guler Can zî da zonayen ke taqîpkaranê Apê Musayî no 24 serrîyo raştîyan ra tawîz nêdayo. Can vist vîrî ke Apê Mûsa û taqîpkarê ci seba ke Kurdistan de raştîyan nusnenê qetil benê û va generalê werdî bi slogananê ‘Raştîyan ra tawîz nîno dayen’ nusnayişê raştîyan rê dewam kenê.
Sembolê çapemenîya azad
Hemserokê Cemîyetê Rojnamegerê Azad Haqî Boltanî zî da zonayen ke Apê Musayî heta 1992 ala çapemenîya azad va da û aşkere kerd ke raştîyan ra tawîz nêdayiş Apê Mûsayî kerd sembolê tekoşîna çapemenîya azad. Boltanî qetilkerdişê Apê Mûsayî zey mîlad hesibna
Lajê Apê Mûsa Dîcle Anterî zî serragêra qetilkerdişê pîyê xo de qisey kerd ard ziwan ke tifinga Apê Mûsa qelema ci bî. Anterî aşkere kerd ke Apê Mûsa rîwalo ke qelema xo kewarê tayînan kerd ame qetilkerdiş. Artêşa generalê werdî şertanê zor û zehmet de kevneşopîya çapemenîya azad ramenê. Anterî veng da Kurdistanijan ke wayrê çapemenîya azad bivejyê.
DÎHA/AMED