Edîtora Binevşî Gulşen Koçuk ciresna ke çi heyf ke xoverdayîşê cenî kem maneno, no ser zî ê do 8’ê Adare ra rojnameya xo hewteyîn bivejî û wina vat: “Binevş rojnameya xebatê kolektîfî ya. Ma wazenî tecrubeyê xoverdayîşê cenîyan, wendoxê xo ra nîşan bidî. Binevş zî zey cenîyê kurdî bi barîkat û xendekan xover da, Binevş waşt bibo vengê şarî.”
Çapemenîya cenî
Hewna edîtora Binevşî Gunay Aksoy zî ard ziwan ke Binevş dijî çapemenîya faşîst de çapemenîya cenî ya, lazim bi ke rojnameya cenî biba, ê zî bi no fikrî Binevş kerdî hewteyîn û wina peynî kerd: “Dîzaynkerdişê rojnameya Binevşî de edîtorê DÎHA û rojnameya Ozgur Gundemî zî ca girewtî. Ma do seba averşîyîşê rojnameya xo bixebitî. Binevş do sifte bi manşetê ‘Ma weleyanê xo reyde newe ra xo awan kenî’ bivejyo.”
Heto bîn ra, ajansa ceniyan JINHA zî ewro ra tepya, bi lehçeyê kurdî bi soranî zî destpa weşan kena. JINHA ke bi slogana “Nê fikreme ke camêrdî se vanê destpa nuştiş kenime” kewt ray, heta nika bi tirkî, îngilîzî û kurdî weşan kena. Ajansa ke servîsê soranî rona, destpa weşanê soranî kena.
JINHA/STENBOL