Vera hêriş û dagîrkerîya dewleta tirkî yê vera Başûrê Kurdîstanî de reaksîyonî dewam kenî. Tevgerê Ciwananê Welatperweranê Kurdîstanî û Rêxistina Cinîyanê Ciwanan ê Têkoşîndayoxan seba ke hêriş û dagîrkerîya dewleta tirkî protesto bikerî, waştî rayraşîyayîşêk virazî. Herçiqas ke ciwanan selahîyetdaran ra destûr girewtbî zî, destûr nêdîya ciwanan.
Ciwanî seba ke Parka Nalî de îzehet bidî çapemenîye, ameyî têhet. Labelê parke hetê hêzanê asayîşî ra girîyabî binê abluqa û destûr nêdîya ke ciwanî îzehet bidî. Dima ra bi piştîdayîşê Tevgerê Azadîye, merkezê Tevgerê Ciwananê Welatperweran de îzehet dîya çapemenîye.
Îzehet hetê Hîva Kerkûkî ra ame wendene. Kerkûkî va ‘ma waşt ma reaksîyonê xo nîşan bidî’ û wina domna: “Amancê ma nîşandayîşê reaksîyonî bi. Abelê herçiqas ke ma Asayîşê Silêmanî ra destûr girewtbî zî çalakîya ma ameye astengkerdene. Ti belge nîşan nêda û va ‘çalakîye ameya qedexekerdene’. Hesaban ra YNK Kerkûk pîroz vîneno, labelê vera asîmîlasyon û bicakerdişê Ereban rê vengê xo nêkeno. Ma waşt vera nînan de çalakîye bivirazî, labelê ame astengkerdene. No çîyêko ehlaqî nîyo.”
28 serrî yo ke goreyê plananê dişmenî tê gêrenî
Herêm Mehmudo ke seba wedarnayîşî tecrîdî kewtbî grevê vêşanîye, wina va: “Ma seba ke destek bidî çalakîya ciwanan, ameyî tîya. Labelê çalakîya ma ameye astengkerdene. Rayîrê dişmenî de şonî û 28 serrî yo ke goreyê plananê dişmenî tê gêrenî. Wazenî ke şarê ma teslîm bibo. Ma do têkoşînê xo bidomnî.” Çalakîye bi wendişê marşê ‘Ey Reqîb’ qedîyaye.
ROJNEWS / SILÊMANÎ