Endamê Konseya îdarekerdox a TEV-DEMe Şahoz Hesen babetê xorayîrberdişê Kurdistano Vakurî, sîyasetê Tirkîyaye û terteleyêy ke Kurdistano Vakur de pê yenî ser qise kerd. Hesen dîyar kerd ke şarê Kurdistano Vakûrî bi taybet şaristan û qezayê Gever, Gimgim, Cizîr, Silopî û heremê bîn de demo vîyarteye de xoverodayîşeko dîrokî ya bêhempa îlan kerd.
Serkewtiş nêz o
Hesen wina vat: “Ciresnayîşê xorayîberdişî seba ke çareserkerdişê aştîyane dozê kurd û Kurdistano Vakûr de nêvejîya meydanî, no ser zî pê ame, no gameke xo bi xo yo. Dozê kurdî Kurdistano Vakur de resa asteka ke dijî sîyasetê çinkerdişî û zîhnîyetê şer û serkewtişo gird bi dest vist. Ma zî na bawerî de yê ke xoverodayîşê şarê ma, îradeya înan a azad û ciresnayîşê rayîrberdişî ya Vakûrî omidê şarî ma yê Vakur pê anena û no serkewtiş zî menda bi xo ra anena.”
Şorişê Sûrîyeye
Hesen ard ziwan ke demê ke Şorişê Sûrîyeye dest pê kerd, Erdogan serekwezîrê Tirkîyaye bî, nika bîyo serekkomarê Tirkîyaye, Erdogan destpêkê Şorişa Şarî ya Sûyeye her demekê vejîyaynê û vengê xo berz kerdînî û vatî ke zilm û zordarî ser şarê Sûrîyeye esto, ê hetkarîya şarê Sûrîyeye kenî û şerto serekê dewleta Sûrîyeye Beşar Esed îqtîdarê xo ra fek verabido û eke hukimatê AKPe wazeno goreya raştîyê têbigêro, şert o îradeya şarî bivîna.
Xoverdayîşo gird
Hesen ciresna ke heme dinya zanena ke mîyanê Erdogan û Beşar Esadî de cîyaye çin o, raştê mîyanê hukimatê AKP û rejîma Baas de zî çin o, her di het zî sîyasetê tesfîyekarî dijî pêroyîya şar û bi taybet şarê kurd meşnenî, ya raşt ê eşkenî vajî ke seba ke Kurdistano Vakur de ravêreyeya aştî estbî, guneyê Erdogan nêvejîyaynê ver, nika Erdogan ravêreyeya çareserî çin kerd û hêrişê şarê kurd kerd.
Hesen tewr peynî qise xo aşkera kerd ke şarê Kurdistano Vakurî de wayîrê dîrokeko girdî ya xoverdayîşî yo, şarê Rojawanî zî Xoverdayîşê Vakurî ra zî hêz girewt û ê zî bingeyîya xo Vakurî ra girewtî û wina peynî kerd: “Bi sayeya fikir û felsefeya Rayver Apo yê azadîwaşt ma eşkîyay bingeyîya xo ya demokratîk saz bikerî. Ma bawerî ke şarê ma yê Kurdistano Vakûr zî serkewtişê xo pê bîyaro û Rojawanî ra zî hîna weş îradeya xo ya azad bivejo ver û waştişê xo pê bîyaro.”
HESEN REMO / ANHA/QAMIŞLO
Xorayîrberdiş lazimî ya xopawitiş ra vejîya ver
Hemvervatoxê HDK û wekîlê HDPe Ertugrul Kurkçu dîyar kerd ke Kurdistano Vakur de îlankerdişê xorayîrberdişan îlankerdişê xopawitişan şopna û wina vat: “Şar dijê hêrişê AKPe nêçare mend ke xopawitişê xo înşa bikero, bi xorayîrberdiş zî şarê no heremî xo bi xo îdare keno û lazimî ra awan bîyo. Nika xorayîrberdişî ravêreyeya şerî de awan bîyî, çimkî guya dewleta tirk şarê Kurdistanî bipawitî la hetta na dewlet hêrişê şarê kurd kerd û no ser zî şar xorayîrberdişê xo înşa kerd.”
ÎZMÎR