Hemserekê DBPe Kamuran Yuksek qewimyayîşê peynî û rayvistbîyîşê şarê kurd ser qise kerd.
Hemserekê DBPe Kamuran Yuksek dîyar kerd ke peynîya dorpêçîya 8 rojan înan derfet vînayî bikewê mîyanê Cizîrî û ê tabloyeko rijitiş vînayî û wina vat: “Wa dijî hêrişê AKP û dewleta tirk de rayvistişê kurd ruhê yewîtîya neteweye reyde têkoşîn bidî, senî ke no rûhê yewîtî û neteweye Rojawan û Kobanê de vejîya meydan, no ruh verê hêrişê dewleta tirk de zî do xo bido ver.”
Hemserekê DBPe Yuksek aşkera kerd ke heyetek reyde ê fikir girewtiş û dayîş rê Kurdistano Vaşûr de yê, da zanayiş ke ê wazenê YKN, Têgêrayîşê Goran û partîya bîn ê sîyasî ra ravêreyeye nîqaş û pay bikerî û wina dewam kerd: “Roja hîrêyin a ma boruya xo ya Hewlerî kombîyayîş û nîqaşan aver berî, roja bîn zî ê pêvînayîşan bikerî. Mîyanê 20 û 25 rojan de nê tena Cizîrî, Gimgim, Farqîn, Sûr û sewbê şaristananê Kurdistan de zeypê rewş qewîmyayî.”
Yuksek ard ziwan ke rewşa Cizîrî cîya ya, dewleta seba şiknayîşê Xoverodayîşê Cizîrî dest pê hêrişeko gird kerd, hezaran tîmê taybet, polîs û lejker Cizîr dorpêç kerd û wina domna: “Zey DBP, HDP û sazîyê bîn, seba şiknayîşê no dorpêçî Kurdistan de ma mîyanê hewldanan de bîyî labelê demê rewşa Cizîrî vejîya meydan, ma hîna bi lez kewtî mîyanê têgêrayîşî. No ser zî 9’ê aşmî ma seba Cizîrî bernameyek hadre kerd. Balê raya pêroye ant ser Cizîrî, mîyanê şarê Kurdistanî de zî baldarî û hişyarîyeko cidî xulq kerd. Merdim herikyayê Cizîr û hem Tirkîya û Kurdistan balê xo da Cizîrî.”
Weçînayîşan reyde amey nika bîyî hukimdar
Yuksek îzeh kerd ke ravêreyeya çareserî bedelê girandayîş reyde dest pê kerd û wina peynî kerd: “Ma qet nêwazenê na ravêreye biba ravêreyeya şer û merdişê cenî û ciwanan labelê ravêreyeyeke zî dest pê kerda. Çi heyf ke kesekê weçînayîş reyde bîyê hukimat nika bîyê hukimdar û faşîst û şarî ra zilm û teda kenî. No zî demokrasî ra zirareko gird dana. Êdî şar hukimdarî qebul nêkeno û dijî hukidarê û hêrişan zî têkoşînê xo dano. Ez wazena şaristaneke cuyena wazena no şaristan de xo bi xo îdare bikera û no ser zî şarê kurd dest pê xopawitiş û xorayîrberdiş kerd. Nika têkoşînê şar, raşteyê demokrasîye hera keno.”