Dewleta tirk senî nêzdîyê Şêx Seîd bîya, eynî hina nêzdîyê Rêbar APO zî bîya. Dewleta tirk senî nêzdîyê Seyîd Riza bîya, eynî hina nêzdîyê Sakîne Cansiz zî bîya.
Sey kurdê ma kurmanc vanî ya kurt û kurmancî. Kurt û kurmancî, neyartîya dewleta tirk hemberê şarê kurd, rêberê şarê kurd û Kurdistanê qet nêbedilyeno. Eynî sey xo mendo û maneno. Nêzdîbîyayîşê dewleta tirk ser mezelê şehîdan zî hina yo.
Dewleta tirk qet fek neyartî ra veranêdana. Çiqas şino neyartîya ayê zî zêde beno. Yeno zanayîş wexto ke dewleta tirk hemberê Şêx Seîd înan şer ramit, verê cû Şêx Seîd înan dîl(esîr) girewtî. Dima ra 29’ê Hezîranê 1925 de aliqnayî. Dima ra 1927 de yew plane qirkerdiş amede kerd. Bi nameyê Pêçar Tedîp û Tenkîl Hereketî, Çewlîg, Amed, Xarpêt û Mûş de qirkerdişêk gird ramna. Bajar û dewî veşnayî. Xîç ser xîç nêverda. Nêzdîyê se hezar(100.000) kurdî kiştî. Surginkerdiş û nefîkerdişêk zaf gird dewamkerd. Dewleta tirk se kerd, Şêx Seîd û 46 hevalê êyî wexto ke berdenê bialiqnenê, pêronê înan qiseykerdişêk tarîxî kerdibi.
Yew bi yew hina vatibi; Şêx Seîd: Peynîyê ciwîyayîşê mi yê dinya ame. Ez qey netewe xo yena qurbankerdiş, ez seba nayî poşman nêbena. Tena wa torne ma, ma hemberê dişmenê mehcub nêkere.
Xalîd Begê Cibrî: Ez tena nîya. Paştê mi de netewa kurd yê gird ayê Îran, Mezopotamya û Tirkîye esta. Şima mi aliqnenî, la wa şikê şima çinbo, do tornê ma şima çinbekerênê.
Wisif Zîya Beg(Wekîle Bedlîs): Mi vatenê qey şima pê paye û rutbe ma bixapînenê. Ez homayî ra şukir kena ke şima pê qindir û gule ma pêşwazî kenî. Ez qey nayî poşman nîya. Dersa ke şima daya, ser nayî dersî do tornê ma qisasê ma bigerênê. Awuqat Tewfîk Beg(Amedî): Şima tirmê mi nîşanê pêronê dinya bikerênê zî, reyna wa herkes bizano, ez qey heqê şexsî ney, qey heqê netewî şerkena. Bijî Kurdistan!.....
Şaîr Kemal Fewzî Xanîzade(Bedlîs): Kurdistano cennet yê ma yo. Ma wayîre keyeyîyê û kam se vano wa vajo ma kewnê zerre. Yew hêz nêeşkeno astengî biwirazo. Çunke Kurdistan ayê mayo. Nayî rêbera çi va eynî hina bi. Tornê înan vejîyê werti, hemberê dewleta tirk şer kerd. Têkoşîn kerd. Egîda sey Zîlan, roje ke Şêx Seîd înan ameyê îdamkerdiş, eynî roj de çalakîya fedayî viraşt.
Fedayîyê Şêx Seîd înan senî egîd bî. Fedayîyê Rêber APO zî hina egîd bî. Hîna zêdeyîr egîd bî. Dewleta tirk hemberê Kurd û Kurdistan zaf kîndara. Wexto ke Rêberê Şarê Kurd Abdullah Ocalan dîl kewt, dewleta tirk o wextî senî nêzdîyê Şêx Seîd înan bibî, eynî hina nêzdîyê Rêber APO zî bî. 29’ê Hezîranê 1999 de qey Rêber APO qerare îdam da. La Rêber APO û fedayîyê îyê hina xoverdayîşêk kerd ke, vernîyê nê qerarî girewt.
Nika şarê kurd, çar parçe Kurdistanê de pêşengîya azadî, sey yewbîyayîş û demokrasî keno. Rojavayê Kurdistan bîya hewîyê pêronê şaran.