Di şaristanê Kurdistan û pêroyina Tirkîyaye de beşdarê xoverodayişê Kobanê domyeno, şehîdê xoverodayişê Kobanê zî bi dayişê xo têkoşîne xo dîrok ra mohra xo erzenê. Di 23 citemenge de wendekarê zanîngeha Marmaraye YPGij Azîz Urselendî (Agir Amed) xoverodayişê Kobanê de cuyayişê xo vinîkerdbi. Urselendî hetanê dayişê peynîya cîfê xo, qet destê xo ra çekê xo veranêda. Zanîngehe ra embazê Urselendîyê vatê ke Urselendî verpersbîyîşê zîhnîyeta faşîstî ra di aşma nîsane de beşdarê HPG bîyo û peynî zî di 15 êlule de destpêkerdişê hêrişê çeteyê DAIŞê ser Kobanê, beşdarê YPG bîyo.
HER KES BEŞDAR BIBO
Hem banê embazê hem zî zanîngehe ra embazê Azîz Urselendîyê, Vural Ulugana vat ke Urselendî di zanîngehe de her tim verba faşîstan têkoşîn daynê û seba na têkoşîne zî her tim zereyê yew gêrayişê de bi û wina vat: “Her tim vatê verba nê faşîstan dayişê têkoşîn qiym nêkeno û no ser zî sewbî rayîran bêro şuxulnayiş. Azîz zî verba faşîstan rayîrê têkoşîne di refê PKKe dî. Dema ke şî ma ra vat ke ‘do şima yew roj xobixo di refê PKKe de bivînê’ ma qet vîrê embazê xo do di erde de veranêdî û ma têkoşîna ey bi qiymet berz bikerê.”
PRATÎK RA NÊRAMA
Embazê Urselendî ra yew zî Samet Gundogdu yo, ey zî seba Urselendî aşkera kerd ke Urselendî qet di cuyayişê de astengan xo ra pirsigêrêk nêkerdî û seba çareserîya pirsgirêkan ser zî têkoşîn daynê û wina vat: “Embazekê zaf keyfweş bi û qet çik ra nêtersaynê. Îdeolojîyê ey çi ganî bikerdîy se ey çarçiweya îdeolojîyê xo têkoşîn daynê û qet pratîkî ra zî nêramaynê.” Gundogdu wina vat: “Dema ke Azîz biryar dabi beşdarê HPG bibo min gêra û min ra xatir waşt. Zaf waşt min reyde pêvînayiş bikero la belê seba ez dûr de bîya, no ser zî ez nêşkîya no waştişê ey bîyara cayê xo, no ser zî ez zaf xemgîn a.”Zanîngehe ra embazê Urselendîyê Hîvda Kaya zî ciresna ke Azîz embazekê bawerî daynê û kesekê zaf samîmî bi û wina peynî kerd: “Dema kam bivînaynê, no dem her tim huyaynê, ma her tim ey vîrê xo ra bi huyayişê ey bîyarê.”Meryem Kizilgun zî dest nîşan kerd ke di zaf hûmarîy de embazê a beşdarê Tevgera Azad bîyê û tewr vêşî a şîyîşê Azîz ra tesîr vînayo.
STENBOL - DÎHA