4 domanê merdî
Ezgî bal ont ser merdişê domanan û wina dewam kerd: “Destpê çalakîyan ra nika 4 domanê di qewimyayişan de cuyayişê xo vinîkerdî û bi desan domanan ra zî polêsan bi tade û zilmî hêriş kerdî. Polês û cendirmeyê AKPî bi wehşetî domanan ra şîdet şuxulnenê. Rêgezê pergala edeleta domanê heme amey îxlalkerdiş. Hewna di domanan ra di çalakîyan de hêzê kontrayî zî hêriş kerdî û heqê cuyayişê domanan ra qet rêz nêmojnayê û heqê heme domanan îxlal kerdî.”
Qey vejîyayê papolan?
Ezgî ciresna ke merdim ganî bipersî nê domanan qey vejîyayê kûçe û papolan û çi wazenê? La belê hukûmata AKP nê waştişan ra goşan xo padayo û tena ser domanan tade û zilm şuxulnena û no dergî da qise xo: “Bi serrano ke nê domaman di papol û kûçeyan de têkoşîn danê. Nê domanan ra zafê di merdimê xo vînkerdî û merdimê înan bê huqûqê ame şuxulnayiş la belê qet nê bê huqûqan ra zî çare nêamey veynayiş û hîna zaf doman bi qanûnê TMK ver dadgeran amey vejnayiş.”
Şîdet domyena
Ezgî aşkera kerd ke belkî nika di kûçeyan de çalakîyan tikey bîyê la belê hema zî ser domanan tade û zilmî polês û cendirmeyan domyena û wina qedîna: “Ganî nê hêrişkaran bê ceza nêrê veradayiş. Çimkî bê ceza mendişê nê hêrişan ramanê domanan xirap kena. Dewlet ganî nê taverî xo ra fek verabido. Nê domanan waştişê xo ser vejîyenê teber û no ser zî ganî waştişê înan bêro ver çim girewtişî.”
EYLEM DAŞ/JINHA-ENQERE