Pandemîya vîrusê Korona ra qesawet esto ke hepisxaneyan do bibê semedê felaketan. 355 zîndananê Kurdistanî û Tirkîya de 300 hezar tepişteyî û hukmwerdeyî estê. Tepişteyê nêweşî zî kategorîya tehlukeyî de yê. Goreyê raporê 2019î yê ÎHDyî hepisxaneyan de 1334 tepişteyê nêweşî estê ke rewşa 458 hepsîyan xirab a. Hemserekê MED TUDAD -FEDî Mehmet Temîzyuzî qisey kerd û bale ante tebdîrê ke ganî hepisxaneyan de bêrê girewtene û qanûnê înfazî ser. Temîzyuzî vat: ''Ganî hepisxaneyan de tebdîrê hîrayêrî bêrê girewtene. Koxuşê 3 kesan de 5,10,20 kesî manenî. Hem hetê werdî ra hem zî hetê pakî ra rewşa tepişteyan hol nîya. Ganî cade pêro bêrê veradayene. Tepişteyê her ca de rastê merdimanê bînan yenê. Beno ke înan ra yew do pê vîrusê Korona bikewo? Ganî tepişteyî bêrê veradayene û hepisxaneyî zî seba rewşêka lezabeze ya vilabîyayîşê vîrusî bibê merkezê weşîye yê îzolekerdeyî. Seba qanûnê înfazî yo ke do bivejîyo waştişê ma no yo ke seba her kesî derbazdar bibo. Bi nê qanûnî ganî tepişteyî û hukmwerdetî pêro bêrê veradayene.'' ANF/AMED