Bi wesîleya serrgêra 81ine ya Terteleyê Dêrsimî welatanê cîya-cîyayan de vîrardişî yenê viraştene. Parlamentoyê Înglîstanî de zî seba serrgêra 81ine ya Terteleyê Dêrsimî reya verêna ke vîrardişêk ame viraştene.
Vîrardişo ke parlamento de ameyo viraştene de, derheqê 38ê Dêrsimî de fotografî û qerenfîlî ronîyayî masayan ser û Pîr Mehmet Yuksel û Parlamenterê HDPyî yê Dêrsimî Alîcan Onlu zî beşdarê vîrardişî bîyî.
Onluyî, serê hesabê xo yê medyaya sosyale ra da zanayene ke vîrardişê Terteleyê Dêrsimî reya verêna Londra de, Parlamentoyê Înglîstanî de ame viraştene. Onlîyî veng da û waşt ke wa tena Tirkîya nê, ê hukmat û dewletê ke o wext bêveng mendê zî ganî nê terteleyî reyde bêrê têrî.
ANF / BRUKSEL