Nika vejîya werte ke AKP ÎŞKURe ser wazena malbatê Sûrijan ra kesek seba pakkerdişê molozan bigîra karî. ÎŞKUR sifte welatijan sazîyê fermî û dibistanan de zey karkerê pakî nîşan dana û peynî zî eşrawena Sûrî seba pakkerdişê molozan. Welatijê Sûrî na pojeya AKP ra nêrazîbiyenê damusnay.
Projeya leymin
Cenîya ke nêçare mendbî taxa Cevatpaşa ya Sûrî vejyabî û nameyê xo aşkera nêkerd vat ke sifte welatijê Sûrî ra ÎŞKURî de kar pêşkêş kenî û peynî zî projeya xo lêmin aşkera kenî û wina vat: “ÎŞKUR seba karêk nameyê kênaya min a 20 serra dîyar kerda. Ewil ma fam nêkerd se beno û peynî ma ra telefon kerdî û vatî ke ‘Bêrê ma şima rê karêk vînayo’. Ez û kêna xo ma pîya şîyî. Ma ÎŞKUR de dîyî ke her malbatî ra kesek seba karî veng dayî. Ma ra vatî ke seba 3 aşmî do kêna to aşme de 1500 TL bigero. Ma musayî ke badê qefelnayîşê dibistanan, ÎŞKUR her kesî ra kesekê girewta Sûr de bieşrawa pakkerdişê molozê xendekan.” Cenîya ke Cevatpaşa ya Sûrî ra ya dîyar kerd ke înan vernîyazê ÎŞKUR qebul nêkerdî û qalîkerdişê xo bi nê vatişan peynî kerd: “Him banê ma rijnayî him zî wazenî ma ra bidî pakkerdişî. Çîyo ke winayîn nîno qebulkerdiş, qebûl nêkenime. No senî yew wijdan o?”
JINHA/AMED