Arslan aşkera kerd ke êdî newe yew modela rayvistbîyîşê ciwanan est o û wina vat: “Êdî bi ciwanan bi federasyonbîyîşê de aver şîrê, bi federasyonbîyîşê de do ma ciwananê binê yew konê de kom bikerî. Federasyon ra gireda ciwanan bi komelebîyîşê de şaxê xo biakerî û xebatê xo bidomnî.”
Arslan ciresna ke ciwanan sazgehê xo bi vernîyazê Rayverê Şarê Kurd Abdullah Ocalanî ‘Dema înşaya neteweya demokratîk de boyuta 9’ê’ bikerî û çarçiweya xebatê komeleyê de ê xebatê kultir, huner, sîyasî û cenîyê ciwan bi aktîfî bikerî. Ma bi ruhê kanşopîya 68’an, Zîlanan, Berîtanan, Sakîneyan û Kemal Pîran têkoşîna xo bikerî û na têkoşîna xo zî Rayverê Apoyî ra xela bikerî.”
Provokasyonê AKPê
Xezal bal ant ser weçînayişê 7’ê hezîranî û wina dewam kerd: “Ê hetanê nika xebatê weçînayişê bi mîtîng, meş, stand, vilaweke, şewe û panelan de viraştî û nika weçînayişî ra demo kilm menda û no ser zî ê xebatê xo hîna berz bikerî. Ê wazenê pêroyina dorûverî ra xîtap bikerî û biresî. Dijî ma de provokasyonê yenî şuxulnayişî la ma qet nê provokasyonan ra nêrî û ma xebatê xo bi demokratîkî de bidomnî. Ma hetanê roja peynî weçînayişê bixebitî. Ma do pêroyin dorûverî ra seba hetkarîya HDPî biresî.”