4 karkerî kargehê Şîrketê Vilakerdişê Gazî ya Stenbolî (ÎGDAŞ) de seba ke ser Facebook û Twîtterî de polîtîkayê AKP rixne kerdî, karî ra ameyî eştiş. Nê karkeran ra yew zî karker Hasan Îlerî yo. Hasan Îlerî babete ser qise kerd. Karker Hasan Îlerî emrê ey 26 o û zey teknîsyenê qadroyî ÎGDAŞ de xebityeno. Endamê Tez-Îş’î ya Şaxê 3’ine ser bi TURK-ÎŞ o zî. Îlerî zaf beşê ÎGDAŞ yê Stenbol de kar kerdo û tewr peynî Ataşehîr de şefê şaxê ÎGDAŞ bîyo.
Bê ke tezmînat bidê, karî ra eştî
Îlerî sibeya 19’ê sibata 2016 de hesîyeno ke o sewqê heyetê dîsîplînî kerdî û wina vat: “Seba ke cayê karî de problemêk nêvejyabî, min sifte vat; ‘şaşîyêk esto’ peynî heyetê dîsîplînî ra veng dayî min. Demo ke min heyetê dîsîplînî ra persa, qey veng min ra ameyo dayîş? Sereka heyetê dîsîplînî Hîlal Karasoy min ra vat ke ‘serekkomarî ra heqeret’ û zey belge zî barkerdişê min ê Facebook û Twîtterî yê mîyanê serrê 2013 û 2015’an ê ser tifaqa mîyanê Dogu Perînçek û AKP, Berkîn Elvan ê Xoverdayîşê Gezî de cuya xo dest da, 301 karkerê madenê yê Soma de ameyî qetilkerdiş û barkerdişê min ê Melîh Gokçek nîşan dayî. Min zî vat û demo min nê barkerdişan kerd, Tayyîp Erdogan no demî serekkomar nêbî, xora nameyê ey zî nê barkerdişan de nêvîyareno, no barkerdişê min zî cayê kar eleqadar nêkeno. Eleqayê xo bi cuyayîşê min ê taybet esto. Min ci ra vat; cayê karî de min heqeret kesêkî nêkerda û gef kesî ra nêwerda. Min ci ra waşt ke heyet bi awayekê nuşteyî min ra biresno ke bi çi min sûcdar keno.”
Temsîlkarê AKP yê
Îlerî ard ziwan ke verpers waştişê ey ê ewraqêkî nuşteyî nêameyo dayîş û seba pawitişê xo bikero rayêko bîn aşma adare de heyetê dîsîplînî vengê ey dayo. Îlerî vat ke no ray zî hetkarê Mudirê Pêroyî yê ÎGDAŞ’î Onur Încehan ey ra vato; barkerdişê to xebatkaran acîz keno û wina vat: “Min zî ci ra persa ‘gelo kam acîz keno?’ kerd. Ey zî mi rê vat; ‘min acîz keno’, min ci ra vat; ‘qey ti temsîlkarê AKP yî? No dem bêveng mend.”
Sendîka wayir nêvejîya
Bê aşkeraya nuşteyî bido Heyetê Dîsîplînî yê Berz 28’ê adara 2016 de pêameyîşê karî yê Îlerî betal kerd û bê tazmînatê qidemî bido ey, peynî karê ey ard. Îlerî destnîşan kerd ke verba no bêhuqiqî û karî vejyayîşê ey bi kêfî, sendîka wayîrî ey nêvejîyaya û nika hadreyî keno ke bira heyetê dîsîplînî bero ver destê dadgehe.
ZEYNEP KÛRAY/ANF