Nusnayena rojnama Amerîka Wall Street Journal ra tepiya tertelê Roboskî onca kewt rojdem. Eke xebera rojnama rast nêbo zî bîle, tayê çî xêrê na rojnama de bî eskera.
Xebere rast bo, rast nêbo, na honde mûhîm niya endî.
Kamî zonayîs do, osayîşî kamij teyara ra amê, Heron (Îsraîl), Predator (Amerîka), nî endî honde rol kaynêkenê.
Na tertele binê sermiyanenya hukumatê tirkî de virajiya. Teqetê bînî hora ver ra na het dewleta tirkî rê her het ra yardim kenê. Dewletanê împeryalîstan her tim gonya qomanê bindestan lîta. Jê kerzîk ebi gonya qomanê bindestan biyê piz.
Seweta ma Tirkiye se kena, a mûhîm a. Çike dugelanê bînan a silayiye kena û bi yardimê înan gonya ma verdana de.
Serokwezîrê tirk Recep Tayyîp Erdogan dolimo viren sermiyanenya tertelê Roboskî tam zelal gurete xo ser, gurete hukumatê xo ser.
Ebi nî vatîsanê xo yê peyenan  Erdogan, rojnamevanê carî, pîsporê bê alfabe, siyasetvanê nutikî zur vetî.
Nî mordeman vatenê, ‘tertele Roboskî de hukumat rê dame ama ronayene.’ Niya wastenê hukumatê AKP ser ra sermiyanenî bijerê. Erdogan tertelê Roboskî ra tepiya eskeranê xorê berxûdariye vat bî. Hama nî mordeman onca zî wastenê sucê Roboskî kesê bîn ser erzê û hukumat binê her şertan de bêguna vetenê.
Nika Erdogan bi xo nî pêro rî şa vetî, kerdî gosdarme.
Erdogan se vano?
Erdogan vano; ‘ez na qese rê, tertelê Roboskî de marê dame ama ronayene îman nêken.’ Mesela tam zî na wa.
Onca Erdogan vat, sîstema operasyonan ke çika, tertelê Roboskî o çerçeve de amo virastene, eskeranê tirkî bi şiklo de samîmî karê xo kerdo.
Ebî naye dolimê 2îne eskeranê xorê berxûdariye vate, Erdogan.
Seweta hukujmat û dewleta tirkî merdena kurdan honde mûhîm niya. Hama kurdê ke na hukumat û dewlete rê xizmete kenê, î gune endî hebe bêrê ra xo ser.
Kurdê ke lewê AKP derê gune endî bisermaye.
Çi beno bibo, rojnama Amerîka ke zur kerdo, zurode rind kerdo. Gegane yê zurê rindî raştiye ra jede feyda xo esta.
Erdogan çiyê vano, dima Îdrîs Naîm Şahîn vejîno çiyê vano, eyra dime Huseyîn Çelîk vejîno çiyode bîn vano.
Erdoga bije Îdrîs Naîm Şahîn ra kuye, hurdemîne bije Huseyîn Çelîk ra kuye!
Nî fîgurê împeryalîstanê