Teyarayanê artêşa tirkî 7ê Teşrîna Peyêna 2016 de qezaya Xozatî ya Dêrsimî ra girêdaye Newala Çetî ser de bombe varnaybî û netîceyê varnayîşê bombeyan de 11 endamê DHKCyî merdbî û nînan ra cenazeyê 10 kesan hema zî nêdîyayo keyeyanê înan.
Pîyê Murat Gunî ke bombardiman de merdbî Kemal Gun zî seba ke cenazeya lajê xo bigîro, Meydanê Seyîd Rizayî ver de grevê vêşanî dabî destpêkerdiş û grev kewt roja xo ya 74. Nika grev ameyo dûştêko krîtîk. Grevî ver laşê Gunî de bêhalî û helîyayîşê edaleyî estî û rewşa ey her ke şono hîna xirabêr bena.
Babete ser o Kemal Gunî qisey kerd. Gunî qiseykerdişê xo de dîyar kerd ke o bi hêzo manevî yê lajê xo, payan ser de eşkeno bivindero.
Ez bimira zî nêverdana
Gunî va ‘ê wazenî ma mijûl bikerî’ û qiseykerdişê xo wina domna: “Ez do heta peynî xover bida. Heta ke ez parçeyêk kateyê lajê xo nêgira, ez tîya ra nêşona cayêk. Heta ke çalakîya mi netîce gêna, ez do çalakîya xo bidomna. Ez kîlo vînî kena û beno ke sewbîna çî zî bibo. Netîceyê ci de ez bimira zî ez nêşona cayêk. Ez bi îrade û îftîxarê xo vindena. Nê heme şehîdê ma yî û îftîxarê ma yî. Ez rêze nîşanê înan dana. Cok ra ez ti ra fek veranêdana.
Ez bi îrade lingan ser de vindena û dewamê qiseykerdişê xo de ard ziwan ke ganî ma şarê kurd bişînbî deyax bikerî, ma heta nika heme çî dîyo û ganî ma çîyêk nêkerî problem.
DÎHABER/DÊRSIM