Wan de zî bi tewrbîyayîşê hezaran kesan merasîmeke bi heybet yê Newroz virazîya. Wanijan bi jew fekî ra waştena serbetîye berz kerdî.
Rêzgirewtişî ra dima Yardimkarê Hemserokanê Pêroyî yê HDP Nadir Yildirim, Verfekê Heyetê Îmrali Sirri Sureyya Onder, Wekîla Hemserokanê Pêroyî yê DBP Gulcihan Şimşek, Hemserokê Sûk yê HDP Yakûp Ataş û Gulistan Orhan, Hemserokê Wan yê DBP Ahmet Aygun, Parlementerê HDP yê Wan Bedîa Ozgokçe Ertan û Adem Geverî û Hemşaredara verên ê Artemêtî vejyay ser sehne û şarî selamî kerdî.
Hemserokê Wan yê HDP Yakûpî qiseyê verênî kerd û va, Newroz roja azadî yê şaran a û raştîya şaro ke rixmê qedexekerdişan azadî ra fek vera nêdayeyo.
Verfekê Heyetê Îmrali Sirri Sureyya Onder ke bimbarekîn de qisey kerd û va, ‘Çiwext ke Rayverê şaranê Rojhelatê Mîyanî selam bieşrawo, roj fina da bîn akewno. Ma selamanê her kesî ruşnenê Birêz Ocalanî rê.’
Pêrokîn qiseyan de vera rejîma faşîstîn û dîktatorî mesajê xoverdayîşî amey dayen. Bimbarekîna Newroz, bi muzîk û govend heta seatanê verşanî dewam kerd.
WAN