Her serre 13ê Gulane sey Roja Dayîkan yeno pîrozkerdiş. Labelê na roje seba Dayîkê Şeme ke doman, mêrde û merdimanê xo vînî kerdî, ti manaya xo çin a. Dayîkan ra Îkbal Erene û Hanim Tosune no derheq de qisey kerdî. Erene va ‘ez zî dayîke ya û Roja Dayîkan seba ma cehenem a’ û wina domnaye: “Raştîya xo de her roja ke ma cuyenî seba cehenem o. Ewro yew mezelê ma çin o ke ma ser o qurnefîlan ronî.” Dayîke Tosune va ‘bi serran o ma na roje sey Roja Dayîkan nêvînenî’ û wina dewam kerde: “Eke keye temam bo, manaya na roje esta. Ma senî Roja Dayîkan pîroz bikerî. Domanê Dayîka Taybete do senî vilikan ronî mezelê aye ser o.”