Tewr peynî lejkeran Şehîdgehê Suna Çîçek û Dr. Baranî rijnayî û zereyê nê şehîdgehan de goristanê kesîkî Terteleyê Dêrsim de amey qetilkerdiş estbî. Lejkerê AKPe destûr nêdayî ke tirso ganî zî şîrê cayê operasyonî.
No nêzdîbîyîşê lejkerê AKPe ser Wekîla HDP ya Dêrsimî Edîbe Şahîn qise kerd.
Şahîn vat ke PKK bêçalakîtî îlan kerd labelê verba no nêzdîbîyîşê PKKe hema zî dewleta tirk û AKPe operasyonê lejkerî danî domnayiş. Şahîn îzeh kerd ke hema hema pêroyîya Dêrsim ameyo qedexekerdiş.
Şar qerqîzyeno
Şahîn wina vat: “Serrê 90’î de ona operasyonê gird nêameybî kerdiş. Demo îlankerdişê bêçalakîtîya PKKe de qey dewleta tirk operasyonê xo ona hera kerd, qey cayê firazî yê elewîyan yenî rijnayiş. No daxî mojneno kam şer wazeno. Rojaneka merdimî wazenê operasyonî bidê vindarnayiş û merdimê Dêrsimî qerqîzîyenî. AKP taybetê cayê firazî yê kurdan hêriş kena, heme dînan de merdeyan ra rêz esto labelê AKP merdeyê kurdan ra daxî rêz nêmojnena.”
Şahîn vat ke do şarê kurd dijî heme nê polîtîkayê AKPe 1’ê Teşrîne de verperseko gird bido, şarê kurd vano azadî, zeypêyî û edelet, no ser zî ganî newe ra rojdemê Tirkîyaye Mutabakatê Dolmabaxçeye biagêro, ser Îmralîye tecrît, tecrîteko ser heme kurdan o û ganîyo ke bi lezî Rayverê Şarê Kurd reyde pêvînayişê dest pê bikerî.
DÎHA/DÊRSIM