Rojavayê Kurdistanê de hîrê serrî  ya şer esto. Seyî "Şoreşe Rojava” bi, êrîşê çeteyan û rejîmdestpêkerd.

X ora wexto ke mijar bibo Kurd û Kurdistan bi teybet Rojava, çete û rejîm pê eynî  çim ewnêne.
Kurdan sey neyar vînêne. Êrîşê Rojava kenî.
Bi teybet Dewleta Tirk, PDK(KDP), Qetar, Erebîstana Suîdî,Amerîka, dewleta Urdîn înan çeteyanê DAÎŞ weyîkenî. Rêxistin kenî. Çekan danî înan û şiravenî ser Rojava.
Çeteyanê wehş û çim sûr hinaye ke sey verg û kutikê harî.
Seyî verg û kutik har benî, demê mergê înan yeno, şinê însan gaz kenî, çeteyanê DAÎŞ zî hemverê Kurdan hina kenî.
Nika zî bi nê hîşê êrîş benî ser Kobanê.
La dînya seba Kobanê bêvenga.
Şarê Kurd rabîyo ser lingan, serxetê de xêm ronaya û xoveradayîş keno. Destek dano Kobanê.
Çapamenîya dînya ra veng nêvejîyeno.
Çapamenîya Tirk û PDK(KDP) ra veng nêvejîyeno. Ser ra zî dişmenîya Rojava kenî.
Esker û polîsê Tirk êrîşê xêmê çalakgeran kenî û veşnênî.
Reyna yew ser qisey nêkeno.
Kam hew TV’yê Tirk yeno temaşekerdiş, vanî Fîlîstîn û Fîlîstîn.
La mijar beno Rojava ker,lal û korî.
Hetê însanî de rewşê Kobanê gore Fîlîstîn û Xezza hîna xirabo, ma ewnêne ke TV’yê Tirk şew û roj qalê Fîlîstîn û Fîlîstîn kenî.
Wa qalê Fîlîstîn bikerenê. Yew nêvano wa qalê Fîlîstîn nêkerenê.
Eger vanî ma însanî û vîcdane ma esta la çira Rojava û Kobanê nêvînêne.
Rojava de zî derman çîno.
Rojava de zî şit û mamayê tutan çîno.
Kobanê de awe werdiş zî çîna. Çeteyanê DAÎŞ awe werdiş birnawa. Serrekîya awe werdiş yê Kobanê çîna.
Çira dînya qalê nayê çîyan nîkena?