Ser Rojavayê Kurdistan zaf şerêk xirab yeno ramitiş. Serkêşiyê no şerî her çiqas Emerîka û Yewîya Ewrûpa bikero zî, aye ke no şerî ramnenî Tirk û Erebîstanê Suîdîy o, PDK (KDP) zî kiştê înan de ca gena.

Wexto ke, komê çeteyan êrîşkerd ser Rojavayê Kurdîstan, eynî wextî de PDK zî dormê Rojavayê Kurdîstan girewt.
Hetê bin ra çeteyên ke, Duhok û Hewler de rêxistin kerdibi, aye çete kewtî hereketê.
Rojavayê Kurdîstan de bombê ameyê teqnayîş. Ca ca însanê sivîl şehît bîyê.
Qamişlo de Îsa Huso û di melayê Kurd ameyê kiştiş. Amudê de di hew pê dome bombê û çekan, şervanê YPG ameyê şehît kerdiş.
Ma zanî, çend roj verêcu Efrîn de yew bombê amê teqnayîş, yew kîye re çar kes şehît bîyê.
Asayîşê Efrînê, ver teqnayîşa peyîn  yê Efrînê, yew operasyon viraştibi. No operasyonê de çend  kes ameyêbi tepiştiş. Ser înan û kîyê înan de teftalê teqnayîş û çekî ameyêbi girewtiş.
Aye ke ameyê girewtiş, pêro endamê Partiya Azadî yê Mustafa Cumo yê. Mustafa Cumo û Partiya Azadî zî girêdayê PDK’yê.
Tepiştiyê  bi name Ciwan Adnan Şêxo, Êgît Mustafa,Resul Muhammed Îsmaîl eşkerê vanî, “Eleqê ma Hesen Şimdî ra esto. Hesen Şimdî, Hewler de ciwiyeno. Girêdayê Mesrur Barzanîy o. Hem pê fermanê PDK û hem zî pê fermanê dewleta Tirk kar keno”.
Hina dewam kenî û vanî, “Ma pê fermanê Tirkan û PDK, Rojavayê Kurdîstan de êrîş kenî ser şarî û saziyan”.
Hina asena ke, Tirk û PDK pîya pê yew planê êrîş benî ser Rojavayê Kurdîstan.
Xo ra par zî di belge vejîyê bi. Yew belge Hezîrane 2012 de, yew belge zî  Êlule 2012 de vejîyabi werti. Her di belge di çîyê muhîm bibi.
Yewin:Êrîşkerdişê ser PYD, TEVDEM, MGRK û sazîyên bîn.
Dîyin: Barkerdişê Şarê Rojavayê Kurdîstan
Ma  nika ewnenî êrîşê ke,  hem ser Rojavayê Kurdistan hem zî ser sazîyê Rojavayê Kurdîstanî benî zaf zêde bîyê. Çeteyên ke, êrîşkenî nayê çeteyan raste rast dewlata Tirk, Suîdî Erebîstan, Qeter koordînê kenî. Eleqê nayê çeteyan PDK ra zî estî. Çeteyên bîn ye ke, eslê înan Kurdî, pê fermanê PDK êrîşê Kurdan kenî. Pêronê înan girêdayê PDK’yê. Xo ra eşkerê vanî, “Ma eskere Barzanîyê”
Hetê bîn ra, Medyayê PDK  ze Rûdaw û Zagros TV, komkiştişê ke ser Kurdan benî, nayê komkiştişan nimnenî.  Zurkerî kenî. Eynî ze Tirkperêstan qise kenî.
Seba Şarê Rojavayê Kurdîstan bidenê barkerdiş(koçberî) propaganda kenî. Ser propagandayê Medyayê PDK, hezaran însan barkerd û şîyê Başurê Kurdîstan.
Ma ewnenî nê pêro amelê PDK,  hina asena ke, PDK  hîzmetê Kurdan  nê hîzmetê dişmenê Kurdan kena. PDK nayê xirabîyan kena, la tarîx û Şarê Kurd ê PDK ra hesab pirsbikero.