25ê teşrîna peyêne Vera Şîddeto ke Cinîyan rê Beno de Roja Têkoşîn û Piştîdayîşyewbînanî yo û her serre cinîyî bi wesîleya na roje tayê aktîvîteyan virazenî. Emser zî cinîyî vejîyayî raşteyan dest bi pîrozkerdişê na roje kerdî.
Cinîyî rayberîya Kongreya Starî de Heleb, Qamişlo û Şam de tayê aktîvîteyî organîze kerdî. Cinîyî bi wesîleya 25ê teşrîna peyêne taxa Rojawanî ya semtê Şêxmeqsûdî yê Helebî de kom bîyî. Îdarekaranê Kongreya Starî ra Nehla Mustafa derheqê rolê Rayberê Şarê Kurdî Abdullah Ocalanî yê mîyanê komelî ser o metnêk wend. Dima ra sînevîzyon ame nîşandayene. Kombîyayîş bi siloganan qedîya.
Kongreya Starî dewanê Bana Qesrî û Robarya yê Qamişlo de kombîyayîşî viraştî. Reyna qezaya Til Hemîsî de zî bi siloganê ‘Ma do bi îradeya cinîya dagîrkerîye parçe bikerî’ kombîyayîşî ameyî viraştene. Reyna na çarçewa de tayê cayan de semînerî ameyî viraştene û xeylê cinîyî beşdar bîyî. Taxa Zorava ya Şamî de zî kombîyayîş ame viraştene û xeylê kesî beşdar bîyî.
JINNEWS / AMED