Koordînasyonê KJKyî bi îzehetêko nuştekî şexsê Bêrîtane (Gulnaz Karataşe) de şehîdê cinîyî yê menga Teşrîna Verêne yad kerdî. Îzehet de ame vîrvistene ke artêşa Tirkî ya faşîste pêroyê hêzanê xo reyde hêrişê Başûrê Kudistanî kerd û 25ê Teşrîna Verêne de cepheyê Xakurkê de Bêrîtane rayîrê Besê û Zerîfeyan de û heta guleyê xo yo peyên şer kerd, dima ra sîlehê xo şikit, xo kaşî ra eşte war.
Koordînasyonî dayo zanayene ke netîceyê nê xoverdayîşî de hêzê xopawitişî yê cinîye vera teda û zorbazîya pederşahîye û dewlete de pawitişê komelî û cinîye de bîye wayîrê rol û wezîfeyêko pîl û wina va: “Coka Embaza Bêrîtane têkoşînê cinîyan de tena sembol nîya, xeta cinîya azade ya alternatîfe ya. Na xete vera polîtîkayanê ke dişmenê cinîye yê de vengdayîşê rêxistinbîyayîşî yo. Bîye nameyê naye ke sazkerdişê komelî û cinîyanê azadan de her hêla cuye û her ca de bi xeta xopawitişî ya artêşbîyayîşî estbîyayîşê xo bipawa, azadîya xo bivirazê.”
Koordînasyonî vato ‘hêzanê vera şorişîyê ke polîtîkayê xîyanet û qirkerdişî newe ra viraştî, şexsê dewleta Tirkî ya faşîste de sere de herêmanê Bradost û Heftanîn de hêrişê cayanê azadan ê Rojawanî kenê’ û wina domnayo: “Amancê înan no yo ke Kurdan qir bikerê, cayanê cinîyan ê azadan û şarê Kurdî çin bikerê, waştiş û hêvîya cuya azade çin bikerê. Hem gerîla hem zî cinîye, şar û dostê Kurdan vera naye de vanê, ‘Eke bibo ganî cuyêka azade bibo’ û xover danê û cepheyanê têkoşînî kenê hîra.”
BEHDÎNAN