AXÎN TOLHILDAN/BAHOZ DAG ANF/QAMIŞLO Seke yeno zanayîş Kongreya Starî çarçewaya kampanyaya ‘Cinîyî seba Efrînî payan ser o yî’ de veng daybî heme cinîyanê dinya. Sarah Glynna îskoçyayije zî na çarçewa de Brîtanya ra ameybî Rojawan. Glynne zîyaretê xo û çîyê ke aye ser o tesîr kerdî ser o qisey kerdî. Glynne va ‘tewr zaf huyayîşê şarê Rojawanî bala mi ant’ û wina domnaye: “Mi rîyê merdiman de bextewarîye dî. Mi verê cû derheqê tîya de zaf nuşteyî nuştbî. Nika mi tîya de dî ke nuşteyê mi çiqas raşt î û no mi zaf kêfweş keno.” Glynne dewamê qiseykerdişê xo de qala rolê Rayberê Şarê Kurdî Abdullah Ocalanî kerde û wina va: “Ma dî ke fikrê Ocalanî tena ser ciwanan de nê, heme hetan ser o tesîr keno. Mîyanê demêko hende kilmî de bedilîyayîşê girdî virazîyayî û no mi ser o tesîrêko gird viraşt. Rojawan nîşanê ma dano ke sewbîna yew dinya mumkin a.” Boykot zaf muhîm o Glynne peynîya qiseykerdişê xo de qala dagîrkerîya Efrînî û boykotkerdişê Tirkîya zî kerde û wina qedênaye: “Ewro derheqê rewqa Efrînî de zanakerdişê merdiman muhîm o. Ganî merdim nîşan bido ke tîya de rewşêka senîne yena cuyayîş û dewleta tirkî çiqas tehdîtêko gird a. Boykotkerdişê Tirkîya zaf muhîm o.”