Labelê şarî hemverê nê provokasîyonê feleketan ra heme provokasîyonê AKP veng vetî. No warî de şarî hem serkewtişê 7’ê hezîranî pîroz kerd û yew kinar ra zî hema zî rewşa şînî tepişte. Weçînayîşê 7’ê hezîranî ra dîme zî ancî zî şuraqaya AKP waşt ke Amed de provokasyonê girdî bivejo. Ancî zî şarê Amedî nêameyî provokasyonî.
Enka zî AKP wazena ke nê felekatanê xo biram o. No warî bi verênî ra Kobanî de nê felaketê qiyametî virazîya. Serkewtişê Kobanî Edoganî ra û AKP ra zerrîya înan de yew kula sîyay vejîyay. Eke nê kula sîyay ana biramî yo se, no ray hînê felaketê Erdoganî û AKP beno. Seba ke çeteyê DAIŞ û Edoganî serkewtişê Girê Sipî hezim nêkerd û no warî de Kobanî qirkerdiş o gird viraşt.
Qirkerdişê sîvîlan ra sucdar a
No qirkerdişê Kobanî de heme sivîlî qetil kerdî. Seba nê qirkerdişê sivîlanî ra dinîya heme merdimayî bêvenge û bêhes mendî. Nê qirkerdişê Kobanî de heme kes zî zano ke heme hewara gişta Tirkîya tede bîy. No warî de Tirkîya seba qirkerdişê sîvîlan ra sucdar a. No warî de Tirkîya heme dengeyê sînoranê xo vîyarnayo û heyana ewro zî qet hesabê yew qirkerdişî nêdayo.
Qirkerdişê Roboskî, Parîsî û heyan ewro çi qirkerdiş viraşto se heme nê qirkerdişî înan rê kar mendo. AKP heyana ewro dişmeneteya Rojawanî û Kobanî kerdo û hema zî kena. Wexto ke Rojawanî de heme çar Kantonan xoserîya xo îlan kerde. A rojî ra pey Tirkîya bertekê xo nawit û dişmenetaya Rojawanî kerde. No warî de hem Erdogan û hem zî şuraqaya AKP aşkera aşkera vatê Rojawanî de û heme çar Kantonan bi hemverê rejîmê Esadî ra tek yew fîşege nêvista û nê Kantonî beleş girotî û sakî nê Kantonî Esadî kurdan ra bexş kerdî.
AKP adeta har bîya
Ewro zî seba serkewtîşê Girê Sipî ra AKP adeta har bîya û AKP wazena ke dagirkereya Sûrîye û Rojawanî bikero. Enkay ra AKP no warî de heme rêzê zincîranê xo qerfna yo. Bi vatişan ra no warî de kombîyîşê MGK de birîyarê şerî giroto û heme hêzê xo ramîtî verbê Sûrîya û Rojawanî. Verê nê kombîyîşê MGK ra zî aşkera aşkera beyanat da vat; YPG DAIŞî ra hîna tehluke ya û ma qet musade nêkenê ke heremê sînoranê ma de yew dewleta kurdan bîvirazî yo.
Tabî no warî de çapemenî ya Tirkîya AKP ra çepikî kuwtî. No warî de aqilmendê çapemenîyan vesfê AKP day û no warî de vat ke ”AKP dagirkeraya Sûrîye ra yew kera reyde dî mîrçikan kişena”. No warî de AKP nê dagirkerey de hem gala hêrişê Esedî kena û hem zî hêrişê çeteyê DAIŞî kena.
No hewa çilgineya girde ra AKP ra çi qezenc kena û ne dîyara. Bi tena çîyo ke ma zanê hem AKP ra û hem zî şaran ra yew felaketo gird pawena. No warî de bi cîyaye zî hema raşte de yew hukimat çinî yo û AKP xoser senîhewa yew birîyarê şerî dana. No hewa zî xoser yew çîyo ecêbo. Hînê no warî de aşkera beno ke AKP birîyarî şerî dayo. Çimkî en çîyo muhîm zî no warî de AKP û TSK seba ke heyana ewro yew bêçalakîya şerî dewam kerdê enka zî nê bêçalakîya şerî AKP yew hetîra qedêna yo. Hînê no warî de ana aseno ke heyena yew hukimato newe nêvirazîyay yo û AKP kena ke no hengeme de yew şero gird virzo û sernawera bi rewşa rewî ra şêro weçînayîş. No hewa tewr zî yew felaketo girdo. No warî de MHP zatî kozikte pawena ke anaser yew felaket bivirazî yo. CHP zî seba yew hikûmatê newî ra linga derg kena ke û AKP ra zaf çîyan biqerfno.
ZAZA CEBELÎ