Taybetî medyaya ke wazena raştîyan biweşîno û heqîqetî raya pêroyî ra bivajo raştê astengîyan yeno. Tewr vêşî ajansê DÎHA û JINHA yenî sansurkerdiş, vengûvajêrê înan yenî binçimkerdiş, Mudirê Karê nuşteyan ê Azadîya Welat Rohat Aktaş ame înfazkerdiş. Rayna xeylê rojname û TV hetê kayyumî ra yenî dagîrkerdiş û rayberdiş. Babete ser o rojnamegerî qalî kerdî û vînayîşê xo ardî ziwan.
Tedayê girdî estî
Serekê Sendîkaya Rojnamegerê Tirkîya (TGS) ya Şaxa Stenbolî Gokhan Durmuş dîyar kerd ke ser çapemenî pêroyî de tedayê zaf girdî estî û wina verdeam kerd: “Hem ser rojnamegerîye û hem zî ser rojnamegeran tedayê girdî estî. Îqtîdar wazeno heme zanayîşan bideko bin kontrolê xo. No semedî ra ganî şar zî paştîya rojnamegerê xo bikero.”
Rojnameger Nevin Sungur zî ard ziwan ke tedayê ke ser rojnamegerîye her ke şono hîna giran beno û vat aye zî rewşa ke esta vera bi fikar a û seba ke nê tedayî bêrî şiknayîş lazim o vengê paştîdayîşî gird bibo.
Sekretera Pêroyî yê TGSe Arzu Demîr zî ciresna ke îqtîdar bi tepiştiş û binçimkerdişî wazeno rojnamegeran bêveng bikero û wina vat: “Seba ke Mazlum Dolan Sûrî ra raştîyan bare kerdênê, wazenî cezaya zindanî bidê ci. Heme rojnameger û rojnamegerîye bin dormegirewtişî de yî. Ma encax bi yewîye eşkenî no dormegirewtişî bişiknî.”
Rojnameger Yonca Poyraz Dogan zî peynî de derstnîşan kerd ke ser rojnamegeran tedayêka gird esta û wazenî pêroyî no karê rojnamegerîye biqedênî. Dogan qalîkerdişê xo de dîyar kerd ke ê do embazê xo yê rojnamegeran ra wayîr bivejyî.”
DÎHA/STENBOL