Taybetî zî Kurdistan de şar bine top û tifingan de pê dej û hesran Roşan peşwazi keno. Cayanê sey Sur, Nisêbîn, Şirnex, Gever, Silopî, Hezex û Cizîrî ke hetê dewlet ra ser û bin bî. Şar xem û koman de ciwîyeno û pê nizdîbîyayîşê aşma zimistanî zî tengayîyê înan zêdîyeno. Welatijê ke banê înan pê fermanê Erdoganî rijiyay veşiyay pê imkanan ziwaran xo anî pêser. Per bîn ra zî semedê wahar vecîyayîşê şarê nê bajaran kampanyayê paştdayîşî dewam kene.Komela Paştdayîş ê Rojawa ke Kampanyayê Waû birayî rê rayveriyê kena bi sebebê ameyîşê Roşanî veng da şarî.
Roşan paştdayîş û barkerdiş o
Xebatkaranê Komel dazonayişî ke înan semedê Roşanî ekstra hadreyine kerda û şarî ra waşte ke tesduqê xo bidî Komelê înan. Çarçoveyê xebatanê Roşanî de Amed de xemê birnayîş niyayî ro û depoyê serdin kira bî welatijî eşkene çermeyê qerbûn nê xêman rê teslîm bikerî.
Eşkerakerdiş de eleqa ûnciya wahar yewbîn veciyayîşî ser û ûna vaciya: “Dînê Îslam de Roşanî yenê mehneyê paştdayîş û barkerdişî. Roşanê Remezan de ê fitir û ê Qurban de zî pê qurbana dolatiyî paşt danî nêçaran. Dînê Îslam vano; o ke mirdo û cîranê ci vêşano ma ra niyo. Coka Mislimanî ke zerra safî ra îman kene tewr neçaran pirane xo barkene. Pê no zûnayîşa lazimo ke şarê ma Roşan de way-brayî înan ke tengayî de xo vîra mekirî û tesduqê xo bide ci.”
DÎHA/AMED