Komêk rewşenbîr, hunermend û aktîvîstê Kurdistanê Rojhelatî ra aşkeraya hembar Zînî Wertêyî de têmîyankewteyî ser o dayê. Aşkeraya hembar de wina ame vatiş: “Têmîyankewteyî ke Zinê Wertêyî de vejîyayo, eke demo lez de verê ci nîro girewtiş, cayê çekî pêvînayiş nîro destpêkerdiş û çareserkerdiş, do kurdan mintiqaye de zirarî bivînî. Do şarê kurd partîyê kurd ra bêomidî bibê û bawerî bi înan nîro, her wina do zerrîya welatijê dostê kurdan ra doza rewa ya kurdî serd bibo.” Goreyê ajansê rojnewsî, aşkeraye de bal ame antiş ser rolê sazîyê çapemenî û ame vatiş; resnayişê çapemenîya kurdî eşkenê mîyanê hetan de derfetê dîyalogî ser babetê têmîyankewteyî û bi nakokî bi xelqbiko. Her wina veng heme rayedar û sazîyê çapemenî ra ame kerdiş ke bi berpirsîyarêko tarîxî nêzdî babete bibê. Peynîya aşkera de zî waştiş raya pêroyin a kurd, hetê sîyasî û sazîyê komelê sivîl ame kerdiş, seba berjewendîyê netewî û seba bipeynîkerdişê têmîyankewteyê Zinê Wertêyî de bikewê mîyanê mucadeleyan. Kesê ke îmze binê aşkeraye ra ronayê nameyê înan wina yê; Ferzane Celalî, Fatîme Kerîmî,Rehman Ciwanmerdî,Xelîl Pêş Nemaz,Mesûd Fethî,Cehangîr Ebdulayî,Aram Melkşa,Teyîb Tahirî,Îlham Cihangerd,Herdewêl Kakeyî,Ehmed Zînî Wend,Necmedîn Xulamî,Ehmed Bazgir,Kalê Ateş,Reşad Mistefa Sultanî,Ebdullah Mistefa Sultanî,Kemran Metîn,Ebas Welî,Burzu Elyas,Alan Hesen Niya,Rehîm Sirxî,Gulruh Qubadî,Kemal Silêmanî,Elî Mehmud,Zahir Cenbelî û Ihsan Heqîqî Nejadî. MERKEZÊ XEBERAN