Dewleta tirkî 1938 de Dêrsim de qetlîyamêko gird viraştbî û bi deshezaran kurdan ewja de qetil kerdbî. Yê ke qetil nêkerdbî, ca û warê înan ra surgun kerdbî, bi hezaran domananê kurdan zî seba ke asîmîle bikero, daybî tayê keyeyanê leşkeran yê tirkan.
Qetlîyam nizdîyê 80 serrî verê virazîyabî, labelê dejê qetlîyamî hîna zî sey roja sifteyînan nêbo zî teze yî. Herçiqas ke hende serrî derbaz bîyî zî nika davîst kesê ke şahidîya Qetlîyamê Dêrsimî kerdbî, cuyenî. Nînan ra yewe zî Emîne Kiyançîçeke bîye, labelê aye zî wefat kerde.
Seke yeno zanayîş Kiyançîçeke hîna 10 serreyîya xo de şahidîya qetlîyamo ke Dereyê Laçî ke girêdayeyê qezaya Pulurî ya Dêrsimî ya de kena. Xora Kiyançîçeke 6 aşmanê xo yê peyênan mîyanê nivînan de derbaz kerda. Cenazeya Kiyançîçeka 90 sereyî vizêr dewa Hozmerekî ya girêdayeyê merkeze Dêrsimî de ameye definkerdiş.
Wexto ke Kiyançîçeke 76 serreyî bîye, bi îdîaya ‘hetkarîye daya PKKyî’ ameybî mehkemekerdiş û aye doze ra 3 serrî û 9 aşmî ceza dîyaybî aye û erşawîyaybî Zîndanê Tuncelî. O wext Kiyançîçeke nizdîyê 24 aşmî zîndan de mendbî.
ANF / DÊRSIM