Kîşteyên ke kerdeyê înan de dîyarî, vinîkerdişê ke binçiman de virazyaynê û koçkerdişî ver bi hezaran welatî mexdur bîy û no hedîseyan sero welat hetê komelî, sîyasî û aborî de krîzek girde cuya. Goreyê vatişê fermî aye çax de 4500 dewîy amey vengkerdiş.
Serran ra pey her çand ke rayîrê ageyrayîşê dewan abibo zî welatî no hetî de teredut cuyenîy. Nê şaristananê ameyî vengkerdiş ra yew zî Bedlîs o. Bedlîs de 76 dew, 95 zî mezra ameybi vengkerdiş. Nînan ra yew zî dewa Çayirbaşi yê ke bi navendî ra pêrabeste ya. Dewijanê dewa Çayirbaşi ra Şemsînur Oguz derheqê no vengkerdişî de qalî kerd.
Oguz vat ke hemverê nê kerdişê înan êy nêşînaynê vengê xo bikerî û wina vat: “Lejkerîy bombe û çekan eştîy keyeyê înan û bi no hewa înan sucdar bikerîy.”
Oguz ard ziwan ke zafêrî caran şew eştênê dewanê ma ser û no dergî da qise xo: “Yew şewe rayna dekewtî dewe. Gule ma sero varnayî la semeda ke tarî bi ma înan nas nêkerd. Heta sibayî ma şibakan vero vindertîy û nêwutîy. Meştî de erebeyê lejkeran asayî û des bi gêrayîşê dewî kerdîy. Demo ke gedan pêsero kom kerdîy ma bi kiştişê înan ra zaf tersayî û ma bi mecburî dewa xo veng kerd û şîy Bursa. Semeda ke kar çinêbi ma weyra ra zî şîy Stenbol. Ma bi feqîrî û mehîrî gedanê xo girde kerdîy. Nika ma dewa xo dîy la hîna zî mîyanê şikî de yê ke dewlet hêriş bikero.”
JÎNHA/BEDLÎS