15’emîn Şahiyên Hidirelez ku ji aliyê HDP’ê ve hat organîzekirin, bi hezaran kes tevli bûn.  Şahiya ku li gundê Şawlu ya Haymanayê pêk hat, di saetê sibê de bi hezaran kes herikîn qadê. Hevseroka Giştî ya HDP’ê Sebahat Tuncel,  namzetên berê yên HDP’a Haymanayê Eşref Kîraz, Sînem Coşkun, namzetên berê yên Kuluyê Esîn Akgul Guneş, Mutafa Çakir, namzetên berê yê şaredariya bajarê mezin ya Kongyayê Yemlihan Kahrmana û gelek rêveberên BDP û HDP’ê tevli bûn. Her wiha bi hezaran Kurdên Anatoliy Navîn jî tevli bûn. Kurdan bi cil û bergên xwe yên gelerî bal kişandin. Di şahiyên de Koma Çarnewa û Ergîn Xelîkan û gelek hunermendên herêmî derketin ser dîkê. Govend hat ghertandin û ji bo kesên jiyana xwe ji dest dane deqeyek rêz hat girtin. Dirûşmeyên ‘Bijî serok Apo’ hatin berzkirin.  

Endamê komîteya Tertîp a Şahiyên Hidirelez Eşref Ozvîran got ev 15 sale ev şahî tê lidarxistin û  da zanîn ku berê ev şahî bi pêşengiya eşîra Şêxbizaniyan dihat kirin û got çend salên dawî ye ji aliyê BDP û HDP’ê ve tê kirin. Ozvîran got: Ürmanca can şahiyan ev bû ku di navbera eşîran de aştiyê pêk bînin. Niha hinek din jî hatiye asta siyasî. Bi saya partiya me gihiştiye asta aştiya Kurdên Anatoliya Navîn.  Lê ji bo me yek wateya wê heve û ev jî hatina cem hev a Kurdên Anatoliya Navîne.
Namzetê berê yê HDP’ê ya şaredariya Haymanayê  Eşref Kîraz jî got şahiyên Hidirelezê Newroza duyemîn ya Kurdên Anatoliya Navîne û wiha pê de çû: “Berê di nava gel de dihat pîrozkirin. Lê ev 15 sael wek cejn tê pîrozkirin. 15 sal berê ji aliyê Şêxbiziniyan ve dihat rêxistin kirin. Du kesê ji eşîrê Omer Hakbîlen û Bakî Erdogan organîze dikirin. Lê her du jî di qezayek trafîkê de mirin. Em ji vir şûn de navê her du hevalan li vê qadê bikin. Emê serî li şaredariyê bidin. Kurdên Anatoliya Navîn li vir tên cem hev.

ANF/ENQERE