Dayîka Endamê PMyî yê Partîya Demokratîke ya Şaran (HDP) Celalettîn Canî Sakîne Cane wefat kerde. Sakîne Cane wextê derbeya leşkerî ya 12ê Êlula 1980î de raştê zextanê girdan ameybî. Cane o wext kesê ke vernîya zîndanî de xover dayênê ra yewe bîye û bîybî kesanê sembolan ra yewe. Seke yeno zanayene pî û datê Sakîne Cane wextê 1938î de Dêrsim de vernîya çimanê aye de yenî qetil kerdene. Reyna serranê 1970î de 2 domanê Cane zî ameye qetil kerdene. Cenazeya Sakîne do siba saete 15.00 de Cemxaneyê Gazî yê Stenbolî de bi merasîmêkê bêro oxir kerdene.
JINNEWS / STENBOL