Dewleta tirk bi raya RTUK Swêd û Norweç rê zî, mektûbî rûsnayo û wastenê girotişê televîzyonanê kurd ardo ziwan. Norweç û Swêd nê wastenanê dewleta tirk red kerdo. Belgeya ke Serokê RTUK'î Îlhan Yerlîkaya seba girotişê Med Nûçe û Newroz Tv, rayverînê Medya ê Swêd ra rîşta de wina vato: “Heveyê qenalê televîzyonan ke bi lîsansê welatê şima weşanî kenê, bernameyanê dûştê Tirkîye virazenê weşînenê.
Swêd: Bi destûra ma qeydkerdeyê
Dewleta Swêd zî vera ena wastena dewleta tirk vato ke, ê nêşenê televîzyonan bêveng bikerê. Rayveranê Dezgehê Medya yê Swêd ra Rebaca Parman wina cewab dayo mektûba Serokê RTUKî: “Xizmetê satelît ê Newroz TV û Ronahî TV, bi destûra ma qeydkerdeyê. Goreyê qanûnê Swêd, medyayê bi raya satelîtan weşanî kenê, lazimînê înan bi lîsansî çinîyo. Tenya medyayê ke, seba TV yê hera ma sero weşanî kenê, lîsans lazimo. Cok ra frekansê weşanê înan bi sînor ê. Ma tenya şenê, medyayê wayirê lîsansî yê qontrol bikerê. Swêd pêkerdişê televîzyonan ê Ewrûpa ê maben netewî îmze nêkerdo.”
NAVENDÊ XEBERAN