Ayera têfek ra vanî sîyasî hereketa kurd tevgera azad pêrkîn weçînayişanê de pe tehdît şarê ra rey gena. Nayan ra yewê derheke tevgera azad de çîyêk vajo, no çî cîyade fekê pêro dezge nayan de beno pelesenk. Vanî “ Veresîya çek de şinî weçîn, weçîn qezenc kenî”
Ney herr û wel kenê xo sare ser, riyê xo kenî sîya. Ney rastarast zûre kenê. Bovlatî sîyasetmedaranî şarê kenî. Ney rastarast nêyartî kenî, û dişmenî şarî yê. Hendêk riy şuşteyê, merdim pe rîyakarîya nayan xeyîr maneno. No îthameko zaf girano. Bê delîl, bê tespîto qeyd kerde, bê yew qerarî mehkeme, rîyî xo kenê sîya. Nî şermîyenê nê zî homay ra tersenî, xo rê ha vanî, ha vanî, şaro kurd bînî gef de yo. Malesef goreyê nerîna nayan Şaro kurd zilim xo keno. Ney bîyê paranoyakê sîyasî hereketa kurd, eza dano xo. La merdim vajo tespît, tespît çîn o. Ney wazenê ancex pe reşik roşnê tîjê bigêre.
Ewro, na heyama zanyarî de, no serdemo modern de her kes êdî bîyo zanayê, her kes zano, zano bingehe îna refleksan de çî est o. Keso zûreker, keso suçbaro nêdirûst, sucî xo pê ne refleksan perde keno. Dewlet û hemê yewesazî ey sucbarîya xo bi îna refleksan niminenê. Tabî ke derdî nayan kurd nîyê. Derdî nayan holîya şaran zî nîya. Derdî nayan, aman wa otorîteya dewlet, yeman wa tîranîya deshelatdaran ma ser kemî nîbo yo. Derdî nayan paradîgmaya tekperestîya.
Malesef kurd azad nîyo. Û Kurdîstan azad nîya. Kurd wayerê mafe neteweyî nîyo, nêy îdarekerdiş ra behs kenî. Çîyo ecep no yo.Nêy sîyasî hereketa kurd dewleta fermî vînenê. Hef ke dewleta xo, perkîn metîngeran masum mojnenê. Eseno ke mantika nayan zî îflas kerda. Wexta mevzu bibo kurd, aqil sare ra ancîyeno çîpîk.
Cîhanê şaro polîtîze bîyayê, şaro ên rexistin bîyayê şaro kurd o. O gore zî qabe azadîya xo îrade rageno. Hele Kurdîstan de tu kes pe zorakî, helê pê çek nêşino sere sandik. Binî veresîya çek de îrade xo nêkeno qirbonî kesan û partîyan. Kurdîstan de heysîyetî kesî ra cor yew qiymet çîno. Tu miletêk qase kurd qiymetî îradeyo hur nêzano.
Eke, kurd bê statû yo, la bê îrade nîyo. Îrade şar serokatî ya. Esas de partîya îqtîdar, no îrade şaran ra terseno. Vînena, şar destêk dano birêz Ocalan. Şar destêk dano pêvajo. Hemê talebî Ocalan talebî xo vîneno. Şar kamîya xo wazeno. Şar pe ziwanê xo perwerde wazeno. Şar xoserî demokratîk, statû wazeno. Şar yew pergalo demokratîk, yew makeqanuna demokratîk wazeno. Şar hetê aborî ra pozîtîf cîyawazî wazeno. Ayera şar qabe azadîya xo, qabe haysîyetî, qabe haşîtîyeka bi rumet mucadele keno.
Şaro kurd vîneno, dewlet weçîno umim ya 2015 bînî veresîya çek de serekeftebîyayiş, xo rê kerdo hedef. La wa dewlet rind bizano nê şaro kurd, nê zî êdî ê bîn tehakumî dewlet nêwazenê.
Mistefa ŞAHIN