Roja ke qayûmî tayînê şaredarîyan bîyî ra nata vera xespkerdişê Şaredarîya Bajarê Girdî ya Amedî de çalakîyê protestoyî dewam kenê. Amedijî reyna kuçeyê Lîse yê qezaya Yenîşehîrî de ameyî têhet. Vera xespkerdişê şaredarîyanê HDPyî de xoverdayîşê Amedî roja xo ya 8. de dewam keno.
Parlamenterê HDPyî Salîha Aydenîze, Ayşe Acar Başarane, Dersîm Dage, Garo Paylan, Mûsa Farisogullari, Semra Guzele, Hişyar Ozsoy, Îmam Taşçier û Nîmettûlah Erdogmûş û bi seyan amedijî reyna kuçeyê Lîse yê qezaya Yenîşehîrî de ameyî têhet. Çalakgêran kuçe de çalakîya roniştişî daye destpêkerdene.
Aktîvîstê TJA, endamê DBPyî endamê Meclîsê Şaredarîye, serekê pêroyî yê Halkevlerî Nurî Gunay û Hemserekê Şaredarîya Bajarê Girdî ya Amedî yê Partîya Demokratîke ya Şaran (HDP) Adnan Selçûk Mizrakli yo ke wezîfeyê ci dest ra ameyo girewtene zî tewrê çalakîye bîyî. Derûdorê şaredarîye de ablûqaya polîsan dewam kena.
AMED