Licê qezayek Amedî yo.  Licê pê welatparêzîya xo yeno şinaşnayîş. Licê pê cayê awankerdişê PKK yeno şinasnayîş.

Teber de herkes Licê zê cayê Kurmancan zano. Licê de hem lehçeya Kurdî Kirdkî(Dimilî, Zazakî, Kirmanckî) hem zî lehçeya Kurmancî yena qisê kerdiş. La zafê dewanê Licê de Kirdkî yanî Zazakî yeno qisê kerdiş.
Dewanê Licê de 133 dewî Kirdkî, 41 dewî Kurmancî, hîrê dewî de hem Kirdkî hem Kurmancî, yew dew zî Erebkî qisey kenê.
Zerê merkezê Licê de şarê Mehlaya Qerehesana eslê xo de Kirdo, verêcu Kirdkî qisê kerdê. La nika Kurmancî qisê keno.
Pêro hetan re teybetîyê Licê esto.
Licê çi dîyo û çi nêdîyo!
Zerê Kurdistanê de  yew qezaye Kurdistanê qasê Licê zulm nêdîyo.
Zerê Kurdistanê de yew qazayê Kurdistanê qasê Licê xoverdayîş nêkerdo.
Licê wextê Şêx Seîd de(1925) qirkerdiş dî.
Licê Pêçar Tenkîl û Tedîp Hereketî(1927) de qirkerdiş dî. Veşnayîş,veşanî, teşanî, talan û vîranî dî. Barkerdiş û koçkerdiş dî.
Licê, serra 1975’an de erdlerz dî.
Licê serra 1978’an de dewa Fîs de awankerdişa PKK dî.
Licê serranê 1990’an de veşanayîş û  kiştiş dî.
Licê 22 Cotmehê 1993’an de komkiştiş dî.
Kam hew Licêyîj re bîyero qisêkerdiş, dej, kul û derdo xo ê vajo.
Licê ewqas zulm dîyo la qet û qet sere xo nê tewênaw o.
Tim û tim xoverdayîş kerdo.
Nika zî şarê Licê qehremanîyê destanî keno.
Dewleta Tirk ya wehş û daqirker wazena hetê Qilêdar, Kelê, Mehmê, Derkê û Korxê înan de qalekol virazo û operasyonê eskerî raverbero. Şarê Licê ver na dewleta wehş bendan nano ro(ronano). Nêveradano eskerê Tirk yew gamê bierzo. Serra zî eskerê Tirk esîr geno.
Wa pêro Şarê Kurdistan no egîtîya Şarê Licê xo ra zê nimûne (mîsal) bigero.
Eger pêro Şarê Kurdistan zê Licê ver dişmenê wehş yê Dewleta Tirk de egîtî bikero, azadîyê Kurdistanê nêzdîya.
La raştî re Şarê Licê, Şarê Egîto.
Ez Şarê Licê pîroz kena.