Vera hêrişê Dewleta Tirk û çeteyanê ci, Surîyeya Rojhelat û Vakûrî de xebatê Yewîyeya Netewa Kurd lez bîyê. Armancê Dewleta Tirk çinkerdişê nasname û kultirê Kurdan o. Şarê Hesekê zî veng dayî ke partîyê Kurd wa menfaetê xo yê kesayetî ra fek veradê.
Hesekêyij Zehra Sîno vat ke ê pîya qewetir î û wina vat: “Ma do her tim vengê yewîyeyî bidê. Ma do yew nêbî dişmenê ma, ma biqedînê. Ma omid kenî ke heme partîyê Kurd menfaetê xo yê kesayetî ra fek veradê û dormeraya yewîyeya netewî de kom bibê. Çi heyfo ke ENKS bi pêvînayişê Dewleta Tirkî yewîyeya ma ra zirar dano.”
Hewna Abdulrehman Xelîl zî dîyar kerd ke armancê Dewleta Tirk, bi temamê Surîyeya Rojhelat û Vakûrî îşxalkerdiş o, ganî partîyê Kurd nakokîyê xo yew ca ronî û dormeraya têkoşînê Kurd do yew bibê. Kawa Mato zî pare kerd ke do bi netewa demokratîk heme persgirikî çareser bibê.
ANHA/HESEKÊ