Di 2 Adar 1994 Meclîsê de seba hewanayişê destnedanî wekîlê DEPe ser di Heyeta Pêroyina Meclîsê de pêvînayiş ame kerdiş û her kes zatî netîceya no biryarê zanaynê. No demî çapemenîyê tirk zatî destpê neyarî ya kurd kerdbî. Zatî bi rayê DYP û ANAPe neyarîya kurd dîyar bî. Hewna wekîlê BBP, MHP û CHPij Hasan Eller zî rayê qebul dabî. Êdî Orhan Dogan, Hatîp Dîcle, Leyla Zana, Ahmet Turk, Sirri Sakik û Mahmut Alinak bi rehetî biameynê ciperskerdişî. 


Zilmê polîsê tirk

Dadgeha Ewlehîya Dewlet a Enqereye, bi paralelîya TBMMe bi lezî biryarê ciperskerdişê wekîlê DEPe ser talîmatî da. Wekîlan di îdianameyê Serdozgerîya DGMe de zey xayînê welate ameynê sûcdarkerdişî. Dema ke behsê no qewimyayiş yena kerdiş, di zîhne kurdan de bi tade û zilmê binçimgirewtişê Organ Dogan û Hatîp Dîcle ya hetê polîsê tirk yena. 

Di roje peynî zî heme wekîlê DEPe amey binçimgirewtişî û dadgeh zî bi lezî heqê nê wekîlan biryarê mehkûmkerdişî da û wekîlan zîndana Navenda Enqereye ra bi lezî amey eşrawitiş. Peynî zî Dadgeha Mekaqanûnî zî heqê DEP biryarê girewtişê da û destnedanayişê heme wekîlê DEPe hewana. Doze wekîlê DEPe 8 kanûne 1994 de ame netîcekerdiş û dadgeh heqê Hatîp Dîcle, Leyla Zana, Orhan Dogan û Selîm Sadakî biryarê 15 serre cezaya zîndane da. Leyla Zana, Orhan Dogan, Hatîp Dîcle û Selîm Sadak 9 hazîran 2004 de amey serbestveradayiş. 


Hukûmat çi vat? 

No demê serekkomar Suleyman Demîrel mehkûmkerdişê wekîlê DEPe ser vatbî biryar sîyasî nîyo, qewimyayişî ra şeklê huqûqî de ewnîyayiş şert o û di Tirkîyaye de edelet zaf bi hêz o. Serekwezîr Tansu Çîller zî dîyar kerd bike di binê Meclîsê de roniştişê wekîlê DEPe şarê tirk nerehet kena û nê wekîlan Meclîsê Tirk heremnenî. 

Serekê ANAPe Mesut Yilmaz zî destnîşan kerd bike DEPijan PKKe ra hetkarî danî û nê kesan piştê SHPe amey Meclîsê. Serekê Meclîsê Tirk Husamettîn Cîndoruk zî ciresna bike ganî bêbiryarê Dadgeha Mekaqanûnê DEPijan nêameybî binçimgirewtişî. Serekê SHPe Murat Karayalçin zî aşkera kerd bike DEPijan provokasyonê rayvistişî amey, çew nêeşkeno seba fikrê destnedanayişê wekîlan bihewano. 


Çi ameybi nuştiş

 Çapemenîyê tirk zî zey sîyaseta bandorkerî têgerîyaynê, kam na rewşe zî rixne bikerdî zey DEPijan ameynê daraznayiş. Derya Sazak di 3 adar 1994 de nuşteyê xo zî vat bike DEPijan bi no rayîrê teberî pergale mendî, raşto xeteya DEPijan zî est o û DEPijan rayvistişê pawitî. Hewna Taha Akyol di nuşteyê xo de tena ser binçimgirewtişê DEPijan ser vindertbî. Yalçin Dogan di nuşteyê xo ya 3 adar 1994 de vatê Orhan Dogan di kursuya Meclîsê de şarê tirk ra gef wendo. Hewna Fîkret Bîla zî îzeh kerd bike hewanayişê destnedayişê wekîlan raşt bî. 


Verba kurdan darbe

No demê wekîlê DEPe Sirri Sakik qewimyayişan ser vat ke dewleta tirk 2 Adar 1994 de verba şarê kurd darbe viraşt, eke 2 Adare ra darbe nîno se vatiş, no demî merdim nêeşkeno 28 Sibat û 27 Gulane ra zî darbe bivejîyo, çimkî sebake kurdan ra ameya kerdiş, no ser  2 Adare ra nêvanê darbe. Sakik aşkera kerd ke Komîsyona Cigêrayişê Darbeyan rojdemî xo ra darbeyan girewt la tena 2 Adare nêgirewt, her kes zî zaneno di darbeyê 27 Gulan û 28 Sibate de wekîlîya, wekîlan nêkewtbî û partîyan zî nêameybî qefelnayiş, hetta wekîlan daxî nêameybî binçimgirewtiş û ê bi serran di zîndane de mendî. 

Sakik ciresna ke no demî verba kurdan darbeyî aktorê sivîl û lejkerî pîya viraştî û nika nê kesan di çopê dîrokî de yê la hema zî maxdûrê darbeyî zî têkoşîna xo demokrasî û azadîye domnenî, hewna ê vînî kerdî û çimkî ê heqdar bîyê. 


 NAVENDA XEBERAN