Ez çend rojîyo çalakiyê Şarê Kurd ayê kî Ewropa ciwiyenî taqîp kena. Wexto ke KCD-E venda va wa Şarê Kurd seba Kobanê biwirzo ser lingan, hema hema pêro welatanê Ewropa de kewt hereketê. Almanya de hinabi. Fransa, Îngîlîstan hema hema pêronê cayen de hinabi. Çend serrîya Ewropa de hewe ewwîla kî Şarê Kurd hina lez kewto çalakiyan. Ciwan û cinî ca ca şîyê cayê stratejik de çalakî kerdî. Hina asena ke wexto ke Şarê Kurd qeder yanî çarenusa eyê werti de bi texsîr nîkeno. Zê yew beden wirzeno ser lingan. Hina asena ke Şarê Kurd yewîya netewî viraşto. Hina asena ke Şarê Kurd, Kurdistan zê çar parça zî nîvîneno. Seyî Sermîyanê KCK Duran Kalkan va "Başûr, Bakûr, Rojhilat û Rojavayê Kurdistan çîno. Tenê yew Kurdistan esto. Sînoran karerê”.Şarê Bakurê Kurdistan ca de derbasê Rojava bi. No derheqî de xo ra Şarê Kurd tim û tim yew şîyar berzkeno vano kî, "Kurdistan ne çar parçeyo. Kurdistan yew o”.
Şarê Başûrê Kurdistanê zî yew şîyar berzkeno vano. "Yew xebat. Yew Armanc. APO serokê welat!”. Bi wehşetiya çeteyên DAÎŞê T.C yên dişmenê dîne Îslam û Şarê Kurd, Şarê Kurd zêdeyîr şîyar bi. Şarê Kurd dî kî, DAÎŞ tena hemberê Kurd û Kurdistan hêrîşan keno. Çeteyên DAÎŞê yên T.C wexto ke yew Kurd vînenî zê vergê har hêrîş kenî. Çi Kurdê Êzîdî beno, çi Kurdê Elewî beno, çi Kurdê Sunnî û yên bîn benî pêronê înan sey dişmen vîneno. Ser Kurdan qirkerdiş keno. Heta nika Dewleta Osmanî ya Tirk û T.C seba Kurdan qirbikerenê çi kerdo, ewro eynî çîyan çeteyên DAÎŞê T.C kenî. Hina yeno famkerdiş kî, DAÎŞ dewleta Tirka û dewleta Tirk zî DAÎŞa. Hîş înan û kerdişê înan eynîyê. Hetê bîn ra zî vejîyo werti kî, sermîyanê DAÎŞê yê cor ya Tirkî û yan zî Çeçenê kî MÎTê Tirk rêxistinkerdî ayê. Şarê Kurd zî pêronê na raştiyan vîneno. Çi Kurdistan beno çi teberê Kurdistan beno, hember hêrîşên çeteyên DAÎŞê T.C bêveng nîvindeno. Hember hêrîşên dewleta Tirk zî bêveng nîvindeno. Her roj çalakiyan keno.
Şarê Kurd eşkero vano. Bajarê Amedê û bajarên bîn seyînê Kobanê zî hinawo. Eger ma Kobanê de serbikewrenê, Amed û bajaranê bîn zî serkewnî. Seba nayê ewneno berxwedanîya YPG-YPJ zerrê tekoşînê de ca geno. Ewro Ewropa de zî eynî tekoşîn keno. Xo ra seferberî esto. Seferberî de çi hewce keno gero bîyero kerdiş. Mavaji verêcî yew Kurdê welatparêz yew karê welatparêzî kerdenê, gera nika des katî hetta se kat zêdeyîr karê welatparêzî bikero. Seba azadiya Kobanê û Rojava fek çîyê şehsî veradayîş, rumetêk girdo. Kam eşkeno bikero wa rasta rast şîyero Kobanê. Kam eşkeno çiqas hetê bînan ra bikewro binê barî û kar bikero, gera ca de bikewro bin û kar bikero. Eger ewro nîkero kam roj bikero. Eger ewro ne herê bikero qet û qet ti faydê nîdano.
Wext wextê Berxwedaniy o.
Wext wextê Serhildan o.
Wext wextê Tekoşîn o.