Şarê Şengalî 3 serrî yo ke bi mecburî surgun de cuyeno. Badê ke Şengal û qezayê ci hetê şervanan ra ameyî azadkerdiş, agêrayîş dest pêkerd û şarê êzidî kom bi kome agêreno erdê xo ser.Babete ser o Endamê Meclîsê Xanesorî yê Şengalî Omer Salîhî qisey kerd.
Salîhî qiseykerdişê xo de wina va: “Ma seba piştîdayîşî merkezêk akerd û piştî da 3 hezar keyeyan. Tena reyêk de piştî dîya 2-3 dewan û 100 keyeyê feqîran. Êzîdîyê ke agêrenê Şengalî rê heme lazimîyê merdimîye dîyeno. Nika heme dewanê Şengalî de kesê ke agêrayî estî. Tena dewa Borîkî de 3 hezar kesê ke agêrayî, estî.”
Salîhî tewr peynî veng da komeleyanê sivîl û heqê merdiman û va: “Aşma hezîrane de 150î ra zêde keyeyî agêrayî Şengal. Her ke şono hûmara agêrayoxan hîna zêde bena. Ma paweyê piştîdayîşê komeleyanê sivîl û heqê merdimanî yî.”
ANF/ŞENGAL