Hemşaredarî îzeh kenê ke semedo ke wa mexdurîyetê hemwelatijan wedarîyo, pêro îmkanê şaredarî seferber bîyê û nê rojê tarî bi yewbînîgirewtiş vîyarenî.Hemşaredarê Şaredarîya Şaristanê Gird yê Amedî keyeyê ke rîyê qedexeyê tebervejyayîşê kuçeyan ra mîyanê Sûrî ra koç kerdibî zîyaret kenê û ardimanê xo domnenê.
Rojê tarî û yewbînî girewtiş
Hemsereka Şaredarîya Şaristanê Gird ê Amedî Gultan Kişanak, keyeyê Yalçi, Eroglu, Kurt û Açikgoz ke Mîyanê Sûrî ra koç kerdê û nika qezaya Peyasî de nişenê ro zîyaret kerdî. Kişanak bi malbatan sohbet kerd û goş na derd û kulanê înan ser. Kışanake dima ra keyeyê Kurd û Açıkgoz ke Taxa Hasirli ra koç kerdê û ameyê Taxa Huzurevlerî zîyaret kerdî. Kişanak zîyaretîyan de îzeh kerd ke semedo ke wa mexdurîyetê hemwelatijan wedarîyo pêro îmkanê şaredarî seferber bîyê û nê rojê tarî encax bi yewbînîgirewtiş vîyarenê.
Yurdê wendekaran
Hetê Serekîya Daîreyê Fenî ya Şaredarîya Şaristanê Gird a Amedî ra qezaya Yenîşehîr, Kolanê Yildiz de Yurdê Wendekaran ê Kênayan virazîyeno. Yurd, 8 qatin o. Kişanak, Yurdê Wendekeran ê Kênayan teftîş kerd. Kişanak derheqê Yurdê Kênayan o ke 272 kes kapasîte de yo, muhendîsanê kontrolî ra malumat girewt. Kişanak dima ra oda, merkezê etutî, odayê kompîturî, pirtûkxane û kîlerê yurdî kontrol kerd.
Kişanak xebatkaran ra waşt wa karkerîya înşaatî de tîtîz hereket bikerî û semedê emegê xebatkaran karkeran rê spas kerd.Yurdê Kênayan rê 5,5 milyon TL mesref şino, yew oda de 2 kesî manenê, pêroyî de tede 136 odayî estê û serra 2016-2017’î de keweno falîyet. 10 odayî zî semedê astengdaran ameyê viraştiş. Yurdê Kênayan de pirtûkxane, odaya kompîturî, cayê cilşutişî, odaya meymanan, kîler, buroyê îdarî, terzî û teras estê.
AMED