Saya fikrê Ocalanî ewleyîye de yî

ŞIHAB EL-EHMED / ANHA / QAMIŞLO

Serkêşê eşîra El-Bû Xalibî ke qezaya Til Hemîsî de cuyenî, derheqê muhîmîya fikrê Ocalanî de qisey kerdî û dîyar kerdî ke fikir û felsefeya Rayberê Şarê Kurdî Abdullah Ocalanî şaranê Vakur û Rojhelatê Sûrîye destê zaliman ra xelisna.

Serkêşanê eşîrî ra Ebdulkerîm El-Abdullahî va ‘saya fikir û felsefeya Ocalanî de herême biewle ya’ û wina domna: “Amancê fikrê Ocalanî biratîya şaran o. Ocalanî seba biratîya şaran têkoşîn da. Herêma ke ma tede cuyenî, saya bi fikir û felsefeya Ocalanî de nika herêma tewr biewle ya. Ma resayî merhaleyêko newe û şer ra xelisîyayî. Ocalanî cuya ma pêroyî bedilna. Ma xeylê çîyan saya ci de musayî. Herême bi perspektîfanê ey ra zaf feyde dî. Herêma ma zulm û çeteyan ra xelisna. Ma saya fedakarîya QSDyî de mîyanê ewleyîye de cuyenî.”

Serkêşan ra Ebdulxaliq El-Abdullahî zî wina va: “Saya fikir û felsefeya Ocalanî de Vakur û Rojhelatê Sûrîye de edalet û seyyewbînanî virazîyayî. Mesajê peyênî yê Ocalanî pawitişê rûmetê merdimîye û mendekerdişê huqûqî esas gêno.”